ডিজিটেল ডেস্কঃ এক দূৰ্দান্ত অভিলেখ গঢ়িলে টীম ইণ্ডিয়াই। এদিনীয়া ক্ৰিকেটত ৰাণৰ ক্ষেত্ৰত সৰ্বাধিক ব্যৱধানত বিজয়ী হয় ৰোহি বাহিনী। দেওবাৰে তিৰুৱন্তপুৰমত অনুষ্ঠিত তৃতীয়খন এদিনীয়াত টীম ইণ্ডিয়াই শ্ৰীলংকাক ৩১৭ ৰাণত পৰাস্ত কৰে। কোনো দলে ইমান ৰাণত কেতিয়াও জয়ী হোৱা নাই।
এইক্ষেত্ৰত ৰোহিত বাহিনীয়ে নিউজিলেণ্ডৰ অভিলেখ ভংগ কৰিছে। নিউজিলেণ্ডে ২২ বছৰতকৈও অধিক সময় ধৰি এই অভিলেখটো নিজৰ হাতত ৰাখিছিল।
দেওবাৰে প্ৰথমে বেটিং কৰি শুভমান গিল আৰু বিৰাট কোহলীৰ শতকৰ সহায়ত ভাৰতে ৩৯০ ৰাণ সংগ্ৰহ কৰে। ইয়াৰ প্ৰত্যুত্তৰত শ্ৰীলংকাৰ বেটিংক্ৰম আৰম্ভণিৰ পৰাই তাচপাতৰ ঘৰৰ দৰে খহি পৰে। মহম্মদ চিৰাজৰ দূৰ্দান্ত বলিংৰ সন্মুখত তিষ্ঠিব নোৱাৰিলে সিংহলী বাহিনীয়ে। মাত্ৰ ৭৩ ৰাণতে ইনিংছ শেষ হয় দলটোৰ।
২০০৮ চনত নিউজিলেণ্ডে আয়াৰলেণ্ডক ২৯০ ৰাণত পৰাস্ত কৰিছিল। সেই খেলখনত প্ৰথমে বেটিং কৰি জেমছ মাৰ্শ্বেল আৰু ব্ৰেণ্ডন মেককুলামৰ শতকৰ সহায়ত নিউজিলেণ্ডে ৪০২ ৰাণ সংগ্ৰহ কৰে। প্ৰত্যুত্তৰত আয়াৰলেণ্ড ১১২ ৰাণতে আউট হৈছিল।
তেওঁলোকে ২০০৮ চনত নিউজিলেণ্ডত আয়াৰলেণ্ডক ২৯০ ৰাণত পৰাস্ত কৰিছিল। সেই খেলখনত প্ৰথমে বেটিং কৰি জেমছ মাৰ্শ্বেল আৰু ব্ৰেণ্ডন মেককুলামে শতক অৰ্জন কৰাৰ লগে লগে নিউজিলেণ্ডে ৪০২ ৰাণ সংগ্ৰহ কৰে। প্ৰত্যুত্তৰত আয়াৰলেণ্ড ১১২ ৰাণত আউট হৈছিল। ইয়াৰ পিছত শীৰ্ষ পাঁচত অষ্ট্ৰেলিয়া আৰু দুবাৰ দক্ষিণ আফ্ৰিকা আছে। অষ্ট্ৰেলিয়াই ২০১৫ চনত আফগানিস্তানক ২৭৫ ৰাণত পৰাস্ত কৰিছিল। দক্ষিণ আফ্ৰিকাই জিম্বাবোৱে আৰু শ্ৰীলংকাক ক্ৰমান্বয়ে ২৭২ আৰু ২৫৮ ৰাণত পৰাস্ত কৰিছিল।
Continue Reading
