ডিজিটেল ডেস্কঃ বলীউডৰ অভিনেতা ছলমান খানৰ জীৱনৰ প্ৰতি পুনৰ ভাবুকি আহিছে। অভিনেতা ছলমান খানৰ ঘৰৰ বাহিৰত সংঘটিত হৈছে গুলীচালনাৰ ঘটনা। জানিব পৰা মতে বাইকত অহা দুৰ্বৃত্তই সংঘটিত কৰে গুলীচালনা। ছলমান খানৰ গেলেক্সী এপাৰ্টমেন্টৰ বাহিৰত সংঘটিত গুলীচালনাৰ ঘটনাই প্ৰতিক্ৰিয়াৰ সৃষ্টি কৰিছে।
গুলীচালনা সংঘটিত কৰিয়েই পলায়ন কৰে দুৰ্বৃত্তই। দেওবাৰে পুৱা ৪.৫০ বজাত সংঘটিত গুলীচালনাৰ ঘটনাৰ পিছতে আৰক্ষীয়ে তদন্ত আৰম্ভ কৰিছে। হেলমেট পৰিধান কৰা দুৰ্বৃত্তৰ পৰিচয় এতিয়ালৈকে জানিব পৰা হোৱা নাই।
ঘটনাস্থলীত উপস্থিত হৈছে ক্ৰাইম ব্ৰাঞ্চৰ লগতে আৰক্ষীৰ দল।ছলমানৰ জীৱনৰ প্ভাৰতি অহা ভাবুকিৰ প্ৰতি লক্ষ্য ৰাখি অভিনেতাগৰাকীৰ ঘৰত নিৰাপত্তা বৃদ্ধি কৰা হৈছিল।
বহুবাৰ এতিয়ালৈকে ভাবুকি লাভ কৰিছে ছলমান খানে।গেংষ্টাৰ গোল্ডি ব্ৰাৰ আৰু লৰেন্স বিষ্ণয়ৰ পৰা মৃত্যুৰ ভাবুকি লাভ কৰি আহিছে বলীউডৰ ছুপাৰষ্টাৰ ছলমান খানে। অভিনেতাগৰাকীয়ে আনকি নিজৰ নিৰাপত্তাৰ কথা চিন্তা কৰি অতি সুৰক্ষিত বাহনত ভ্ৰমণ কৰি আহিছে। ছলমান খনাৰ ঘৰত গুলীচালনাৰ ঘটনাৰ দায়িত্ব এতিয়ালৈকে কোনেও স্বীকাৰ কৰা নাই।
Continue Reading
