ডিজিটেল ডেস্কঃ শ্বাহৰুখ খানৰ ‘পাঠান’ক লৈ উত্তাল দেশ। তেনে সময়তে এটা তাৎপৰ্যপূৰ্ণ ভাষ্য প্ৰদান কৰিলে অভিনেতাজনে।
শেহতীয়াকৈ কাটাৰ বিশ্বকাপৰ মঞ্চত দেখা পোৱা গ’ল শ্বাহৰুখক। ‘পাঠান’ৰ প্ৰচাৰৰ বাবেই বিশ্বকাপলৈ গৈছিল অভিনেতাজন। তাতে ক্ৰিকেটাৰ ৰবীন উত্থাপাক দিয়া এক সাক্ষাৎকাৰত সোধা হৈছিল যে অভিনয় যদি শ্বাহৰুখে এৰে, তেন্তে বিকল্প পেছা কি হ’ব পাৰে?
“অভিনয়ৰ বিকল্প হিচাপে বেছ কিছু ব্যৱসায়ৰ পৰিকল্পনা আছে।”- শ্বাহৰুখে কয়।
কথা প্ৰসংগত হাস্যৰসৰো যোগান ধৰে অভিনেতাজনে। কয় যে তেওঁ যদি ব্যৱসায় কৰে তেন্তে ‘পাঠান কেটাৰিং’, ‘বাজিগৰ বেকাৰী’, ‘দিলৱালে দুলহনিয়া লে জায়েংগে চুইট ভাণ্ডাৰ’ খুলিব।
উল্লেখ্য যে শেহৰবাৰৰ বাবে শ্বাহৰুখক দেখা গৈছিল ‘জিৰো’ ছৱিত। বক্স অফিচত চৰম বিফল হোৱা ছৱিখনৰ চাৰি বছৰৰ মূৰত ‘পাঠান’ মুক্তি দিবলৈ উলাইছে।
Continue Reading
