ডিজিটেল ডেস্কঃ কাষ্টিং কাউচ অভিনয় উদ্যোগটোৰ এক ডাঙৰ অভিশাপ। বহু অভিনেতা-অভিনেত্ৰীয়ে নিজৰ চলচ্চিত্ৰ কেৰিয়াৰৰ আৰম্ভণিতে ইয়াৰ সন্মুখীন হয়। এগৰাকী অভিনেত্ৰীয়ে শেহতীয়াকৈ মুকলি কৰিছে নিজৰ যন্ত্ৰণাৰ কথা। অভিনয় ক্ষেত্ৰখনত সংগ্ৰাম কৰি থকাৰ সময়তে অভিনেত্ৰীগৰাকীয়ে ঘৰৰ ভাড়া দিবলৈ ফ্লেট মালিকৰ ওচৰলৈ গৈছিল। ভাড়া দিবলৈ গৈ তেওঁ স্তম্ভিত হৈ পৰিছিল। ভাড়াৰ বিনিময়ত ঘৰৰ মালিকে তেওঁৰ পৰা বিচাৰিছিল যৌন সম্পৰ্ক।
অভিনেত্ৰীগৰাকী কোন জানো আহক। তেওঁৰ নাম তেজস্বিনী পণ্ডিত। তেজস্বিনীয়ে বলীউডত কাম নকৰে যদিও মাৰাঠী ছবি উদ্যোগত তেওঁৰ আছে ডাঙৰ নাম। মাৰাঠী ছবি উদ্যোগৰ এগৰাকী জনপ্ৰিয় অভিনেত্ৰী তেজস্বিনী পণ্ডিত।
তেজস্বিনীয়ে কয় যে এই ঘটনাটো ২০০৯-২০১০ চনৰ যেতিয়া তেওঁ সংগ্ৰাম কৰি আছিল আৰু এটা এপাৰ্টমেণ্টত ভাড়াত থাকিছিল। সেই এপাৰ্টমেণ্টটোৰ ভাড়া দিবলৈ মালিকৰ ওচৰলৈ গৈছিল। মালিকে তেতিয়া তেজস্বিনীক কৈছিল-''তুমি মোক ভাড়া দিব নালাগে, তুমি মোৰ লগত যৌন সম্পৰ্ক কৰা, তোমাৰ পইচা বাচি যাব।''
এই কথা শুনি খঙত তেজস্বিনীৰ তেজ উতলি উঠিছিল। তেওঁ লগে লগে সন্মুখৰ টেবুলত ৰখা পানীৰ গিলাচটো তুলি লৈ চিধাই মালিকৰ মুখলৈ দলিয়াই ওলাই আহিছিল। তেজস্বিনী পণ্ডিতে এই সন্দৰ্ভত কয় যে নাৰী বা পুৰুষ সকলোৱে কেতিয়াবা এনেকুৱা পৰিস্থিতিৰ সন্মুখীন হ'বলগীয়া হয়। এনে পৰিস্থিতি নিজে হেন্দেল কৰিব লাগে আৰু কেতিয়াও এনেকুৱা জালত ভৰি দিব নালাগে।
Continue Reading
