ডিজিটেল ডেস্কঃ আন দেশৰ প্ৰতি থকা ভাৰতৰ সহনশীলতাৰ কথা ক’বলৈ গৈ ৰাষ্ট্ৰীয় স্বয়ংসেৱক সংঘৰ মুৰব্বী মোহন ভাগৱতে কয় যে ভাৰতে প্ৰথমে কাকো আক্ৰমণ নকৰে, মাত্ৰ আনে আক্ৰমণ কৰিলে নিজকে সুৰক্ষাহে দিয়ে। ভাগৱতে কয় যে স্বাধীনতাৰ সাত দশকতকৈও অধিক সময়ৰ পিছতো পাকিস্তানৰ লোকসকল সুখী নহয় আৰু তেওঁলোকে এতিয়াও বিশ্বাস কৰে যে ভাৰত বিভাজন এটা ভুল সিদ্ধান্ত আছিল। বিপ্লৱী হেমু কালানিৰ জন্ম জয়ন্তীৰ অনুষ্ঠানত ভাষণ দি ভাগৱতে এনেদৰে কয়।
ভাগৱতে কয়"এয়া আছিল ১৯৪৭ চনৰ পিছত যিসকলে ভাৰতৰ পৰা বিচ্ছিন্ন হৈছিল, তেওঁলোক এতিয়াও সুখী নে? তেওঁলোকৰ বেদনা আছে," । দুয়োখন ৰাষ্ট্ৰই এতিয়া যি তিক্ত সম্পৰ্ক ৰক্ষা কৰি চলিছে সেই সন্দৰ্ভত ভাগৱতে কয় যে ভাৰত এনে এক সংস্কৃতিৰ অন্তৰ্ভুক্ত নহয় যিয়ে আনৰ বিৰুদ্ধে আক্ৰমণৰ আহ্বান জনায়।
তেওঁ কয় "মই এইটো কোৱাৰ অৰ্থ নহয় যে ভাৰতে পাকিস্তানক আক্ৰমণ কৰা উচিত। একেবাৰে নহয়। আমি সেই সংস্কৃতিৰ অন্তৰ্ভুক্ত নহয় যিয়ে আনৰ ওপৰত আক্ৰমণৰ আহ্বান জনায়," ।
"আমি সেই সংস্কৃতিৰ পৰা আহিছোঁ, যিয়ে আত্মৰক্ষাৰ ক্ষেত্ৰত উপযুক্ত প্ৰত্যুত্তৰ দিয়ে,"। ভাগৱতে পাকিস্তানৰ সন্ত্ৰাসবাদী শিবিৰ সমূহত ভাৰতে চলোৱা ছাৰ্জিকেল ষ্ট্ৰাইক সন্দৰ্ভত কয়, "আমি সেয়া কৰিছিলো আৰু আমি তেনে কৰি যাম"।
"পাকিস্তানৰ মানুহে এতিয়া কৈছে যে ভাৰতৰ বিভাজন এটা ভুল আছিল। সকলোৱে কৈছে যে সেয়া এটা ভুল আছিল," ভাগৱতে দৃঢ়তাৰে কয়।
Continue Reading
