ডিজিটেল ডেস্কঃ বুধবাৰে পাছপ’ৰ্ট সূচকাংকই ইয়াৰ শেহতীয়া তালিকা প্ৰকাশ কৰিছে, য’ত ভাৰতৰ গতিশীলতাৰ স্ক’ৰ যথেষ্ট হ্ৰাস পাইছে।এই বছৰ বিশ্বজুৰি সৰ্বাধিক হ্ৰাস পোৱা ভাৰতৰ স্ক’ৰ এতিয়া ৭০ত উপনীত হৈছে।
২০২২ চনত, য’ত ভাৰতৰ ৰেংকিং আছিল ১৩৮ আৰু মবিলিটি স্ক’ৰ ৭৩ আছিল, ২০২৩ চনত ই ছটা স্থান হ্ৰাস পাই ১৪৪ নম্বৰ স্থানত উপনীত হৈছে।পাছপ’ৰ্ট সূচকাংকত নতুন বৈশিষ্ট ‘টাইমশ্বিফ্ট’ সংযোজন হোৱাৰ পিছত এই ৰেংকিং মুকলি কৰা হৈছে। এই বৈশিষ্ট্যৰ জৰিয়তে বিভিন্ন দেশৰ পাছপ’ৰ্ট বছৰ বছৰ ধৰি দেশসমূহৰ সামগ্ৰিক প্ৰদৰ্শনৰ ওপৰত বিচাৰ কৰা হয়। এই কাৰণতে ভাৰতৰ ৰেংকিং মহামাৰীৰ পূৰ্বে যি আছিল তাৰ পৰা যথেষ্ট হ্ৰাস পাইছে।
কোৱা হৈছে যে ভাৰতৰ ৰেংকিঙৰ বিপুল হ্ৰাসৰ কাৰণ হৈছে ইউৰোপীয় সংঘৰ নীতি। এই নীতিৰ বাবেই এতিয়া ২০২৩ চনত ছাৰ্বিয়াৰ দৰে দেশলৈ যোৱা ভাৰতীয় নাগৰিকৰ বাবে ভিছাৰ প্ৰয়োজন হৈছে।আমেৰিকা আৰু জাৰ্মানীৰ তুলনাত চীনৰ প্ৰদৰ্শনো এই সূচকাংকত অতি দুৰ্বল।পাছপ’ৰ্ট সূচকাংকত চীনৰ ৰেংকিং ১১৮ নম্বৰ।
Continue Reading
