ডিজিটেল ডেস্কঃ পুনৰ পাক ভূমিত নিঃশেষ কৰা হ’ল ভাৰতৰ শত্ৰুক৷ ২৬/১১ মুম্বাই আক্ৰমণৰ মাষ্টাৰমাইণ্ড সন্ত্ৰাসবাদী হাফিজ ছৈয়দৰ আটাইতকৈ ঘনিষ্ঠ বুলি গণ্য কৰা মুফতি কাইজাৰ ফাৰুকক কৰাচীত অজ্ঞাত আক্ৰমণকাৰীয়ে গুলীয়াই হত্যা কৰে। কাইজাৰ ফাৰুক লস্কৰৰ অন্যতম প্ৰতিষ্ঠাপক সদস্য আৰু হাফিজৰ ঘনিষ্ঠ সহযোগী আছিল।
পাকিস্তানৰ ড’ন কাকতত আৰক্ষীৰ সূত্ৰৰ উদ্ধৃতিৰে প্ৰকাশ কৰা অনুসৰি শনিবাৰে সমনাবাদ অঞ্চলৰ এটা মছজিদৰ সমীপত ৩০ বছৰীয়া কাইজাৰ ফাৰুকক গুলীয়াই হত্যা কৰা হয়। এই গুলীচালনাৰ এটা ভিডিঅ’ ছ’চিয়েল মিডিয়াতো ভাইৰেল হৈ পৰিছে, যিটো সন্ত্ৰাসবাদী সংগঠন লস্কাৰ-ই-তৈবা (LeT)ৰ মষ্ট ৱাণ্টেড সন্ত্ৰাসবাদী কাইজাৰ ফাৰুকক হত্যা কৰাৰ চিচিটিভি ফুটেজ বুলি দাবী কৰা হৈছে।
অৱশ্যে এই ভাইৰেল ভিডিঅ’ এতিয়াও নিশ্চিত কৰা নাই। ভাইৰেল ভিডিঅ’টোত দেখা গৈছে যে গুলীটো গুলিয়াই দিয়াৰ লগে লগে আন মানুহ দৌৰি যায়, আনহাতে গুলী চলোৱা ব্যক্তিজন তললৈ পৰি যায়। গুলীবিদ্ধ হোৱা ব্যক্তিজন কাইজাৰ ফাৰুক নামৰ এজন মষ্ট ৱাণ্টেড সন্ত্ৰাসবাদী বুলি দাবী কৰা হৈছে।
Continue Reading
