ডিজিটেল ডেস্কঃ সাধাৰণতে যিকোনো দেশৰ আৱাসীসকলে চৰকাৰক ৰাজহ পৰিশোধ কৰিব লাগে। তেওঁলোকৰ উপাৰ্জনৰ ওপৰত আধাৰত এই ৰাজহৰ পৰিমাণ নিৰ্ধাৰণ কৰা হয়। কিন্তু যদি ইয়াৰ উলোটাটো হয়? কেনে লাগিব? যদি আপুনি বাস কৰাৰ বিনিময়ত চৰকাৰে বৃহৎ পৰিমাণৰ অৰ্থ সাহাৰ্য প্ৰদান কৰে, সেয়া নিশ্চয় কল্পনাতীত!
কিন্তু এনে তিনিখন ঠাইৰ নাম ইয়াত দিবলৈ লোৱা হৈছে, য’ত আপুনি বাস কৰিলে স্থানীয় প্ৰশাসনৰ পৰা লাভ কৰিব অৰ্থ সাহাৰ্য।
আলবিনেন: এইখন চুইজাৰলেণ্ডৰ এখন সৰু গাওঁ। সেউজীয়া উপত্যকাৰে আৱৰি থকা এই গাওঁখন প্ৰাকৃতিক সৌন্দৰ্যৰে ভৰপূৰ। গাওঁখনৰ মুঠ জনসংখ্যা হৈছে মাত্ৰ ২৫০ জন। ইমান কম জনসংখ্যা থকা বাবে চৰকাৰে গাওঁখনৰ অস্তিত্বক লৈ চিন্তাত পৰিছে। সেয়ে যিসকলে তাত গৈ বসতি স্থাপন কৰে, তেওঁলোকক চৰকাৰৰ পৰা ৬০,০০০ ডলাৰ (ভাৰতীয় মুদ্ৰাত প্ৰায় ৫০ লাখ টকা) প্ৰদান কৰা হ'ব।
প্ৰেচি-একুৱেটিকা: ইটালীৰ এই দুখন চহৰক একেলগে 'চালেণ্টো’ বুলি জনা যায়। আলবিনেনৰ দৰেই এই ঠাইখনেও একেই সমস্যাত ভুগিছে। যোৱা বছৰ অঞ্চলটোত ৬০ জন লোকৰ জন্ম হৈছিল, আনহাতে প্ৰায় ১৫০ জন লোকৰ মৃত্যু হৈছিল। সেয়ে যদি কোনোবাই এই চহৰত বসতি স্থাপন কৰে, চৰকাৰে তাত ব্যৱসায় আৰম্ভ কৰিবলৈ নতুন আৱাসীজনক ৩০,০০০ ডলাৰ (ভাৰতীয় মুদ্ৰাত প্ৰায় 25 লাখ টকা) দিব। এই ঠাইখনৰ প্ৰাকৃতিক সৌন্দৰ্যই আপোনাক আকৰ্ষিত কৰিব।
এণ্টিকাথেৰা: গ্ৰীচৰ এই চহৰ সৰগীয় সৌন্দৰ্যেৰে ভৰা। ইয়াৰ প্ৰাকৃতিক পৰিৱেশ আকৰ্ষণীয়। কিন্তু এই ঠাইত মাত্ৰ ৫০ জন লোকে বাস কৰে। চৰকাৰে তাত জীয়াই থাকিবলৈ বিশেষ ভাট্টাৰ ব্যৱস্থা কৰিছে। কোৱা হৈছে যে যদি কোনোবাই তাত তিনি বছৰৰ বাবে বসতি স্থাপন কৰে, তেন্তে তেওঁক প্ৰতি বছৰে ৬০০ ডলাৰৰ ভাৰতীয় মুদ্ৰাত প্ৰায় ৫০ হাজাৰ টকা দিয়া হ'ব।
যাওক, এই তিনিখন ঠাইৰ এখনক বাচি উলিয়াওক, আৰু এটা সুখৰ জীৱন যাপন কৰক।
Continue Reading
