প্ৰাক্তন প্ৰেমিকক পাবলৈ 'ক’লা যাদু'! ভণ্ড বাবাই প্ৰেমিকাৰ পৰা লুটি নিলে ৮ লক্ষাধিক টকা

আৰক্ষীৰ সূত্ৰ অনুসৰি, ২০২৩ চনৰ ৯ ডিচেম্বৰত ইণ্টাৰনেটৰ জৰিয়তে যুৱতীগৰাকীয়ে আব্দুলক লগ পাইছিল। আব্দুলে যুৱতীগৰাকীক কয় যে তেওঁ নিয়মিতভাৱে জ্যোতিষ চৰ্চা কৰে। যুৱতীগৰাকীয়ে আব্দুলৰ সৈতে আলোচনা কৰিছিল যে কেনেকৈ তেওঁৰ প্ৰাক্তন প্ৰেমিকৰ সৈতে পুৰণি সম্পৰ্ক পুনৰ গঢ়ি তুলিব পাৰি। আব্দুলে ছোৱালীজনীক বিশেষ অনুষ্ঠান কৰিবলৈ কয় যাতে প্ৰাক্তন প্ৰেমিকৰ পৰিয়ালে তেওঁলোকৰ সম্পৰ্কত আপত্তি নকৰে। সেই কাৰণে তেওঁ পাৰিশ্ৰমিক হিচাপে লৈছিল ৫০১ টকা। ডিজিটেলভাৱে পইচা পঠোৱাৰ পাছত আব্দুলে বিচাৰিছিল যুৱতীগৰাকীৰ এখন ছবি, লগতে তেওঁৰ প্ৰাক্তন প্ৰেমিকৰ সৈতে এক অন্তৰংগ মুহূৰ্তৰ ছবি। যুৱতীগৰাকীয়ে অভিযোগ কৰে যে আব্দুলে আনকি পৰিয়ালৰ সদস্য আৰু সকলো বন্ধু-বান্ধৱীৰ ছবিও বিচাৰিছিল।

আব্দুলে বিশেষ ৰীতি-নীতি কৰি "ক'লা যাদু" কৰিবলৈ কয়। সেই কাৰণে তেওঁ যুৱতীগৰাকীৰ পৰা পাৰিশ্ৰমিক হিচাপে ২ লাখ ৪০ হাজাৰ টকা বিচাৰিছিল। জ্যোতিষীগৰাকীৰ মতে যুৱতীগৰাকীয়েও নিৰ্দিষ্ট মাচুল দিছিল। ইয়াৰ পাছত আব্দুলে পুনৰ যুৱতীগৰাকীৰ পৰা প্ৰায় ডেৰ লাখ টকা দাবী কৰে। বাৰে বাৰে ইমান টকা দিবলৈ মান্তি নোহোৱাত যুৱতীগৰাকীক ভাবুকি দিবলৈ ধৰিলে। যুৱতীগৰাকীৰ মতে, আব্দুলে তেওঁক ভাবুকি দি থাকিল যে তেওঁৰ প্ৰাক্তন প্ৰেমিকৰ সৈতে তেওঁৰ অন্তৰংগ মুহূৰ্তসমূহ তেওঁৰ পৰিয়ালৰ লোকক দেখুৱাব। ছোৱালীজনীৰ পৰা আৰু ৪ লাখ ১০ হাজাৰ টকাৰ ভাবুকি দিয়ে। যুৱতীগৰাকীয়ে আব্দুলক মুঠ ৮ লাখ ২০ হাজাৰ টকা দিয়ে।

অৱশেষত ছোৱালীজনীয়ে আব্দুল আৰু তেওঁৰ দুই সহযোগীৰ বিৰুদ্ধে থানাত এজাহাৰ দাখিল কৰে। আব্দুল আৰু তেওঁৰ সহযোগী দুজনক আৰক্ষীয়ে জেৰা কৰে। আব্দুলে আৰক্ষীৰ আগত দাবী কৰে যে ছোৱালীজনীয়ে তেওঁক জোৰ কৰি বিভিন্ন অনুষ্ঠান সম্পন্ন কৰিছিল। লগতে তেওঁ পাৰিশ্ৰমিক হিচাপে লোৱা সকলো ধন যুৱতীগৰাকীক ঘূৰাই দিব বুলিও আৰক্ষীক জনায়।