ডিজিটেল ডেস্কঃ ২২ জানুৱাৰীত অযোধ্যাত মহা আড়ম্বৰেৰে প্ৰাণ প্ৰতিষ্ঠা কৰা হ’ল শ্ৰীৰামচন্দ্ৰৰ পাঁচ বছৰ বয়সৰ মূৰ্তি ৰামলালা। গুজৰাটৰ চুৰাটৰ এজন হীৰা ব্যৱসায়ীয়ে অযোধ্যাৰ নৱনিৰ্মিত ৰাম মন্দিৰত স্থাপন কৰা ৰাম লালাৰ মূৰ্তিৰ বাবে এটা 'মুকুট' দান কৰিছে। ১১ কোটি টকা মূল্যৰ এই মুকুটটো নতুনকৈ নিৰ্মাণ কৰা ৰাম মন্দিৰৰ ৰামলালাৰ বাবে বিশেষভাৱে তৈয়াৰ কৰা হৈছে ৷
চুৰাটৰ গ্ৰীণ লেব ডায়মণ্ড কোম্পানীৰ গৰাকী মুকেশ পেটেলে সোণ, হীৰা আৰু মূল্যৱান ৰত্নৰে সজ্জিত ভগৱান ৰামক ৬ কিলোগ্ৰাম ওজনৰ মুকুটটো আগবঢ়ায়। মুকেশ পেটেলে তেওঁৰ পৰিয়ালৰ সৈতে অযোধ্যালৈ গৈ মন্দিৰ ন্যাসৰ বিষয়াসকলক মুকুটটো অৰ্পন কৰে। ৰাম মন্দিৰৰ মুখ্য পুৰোহিত আৰু শ্ৰী ৰাম জন্মভূমি তীৰ্থ ক্ষেত্ৰ ন্যাসৰ ট্ৰাষ্টীসকলৰ উপস্থিতিত মুকেশ পেটেলে মুকুটটো হস্তান্তৰ কৰে ।
অযোধ্যাত ৰাম লালাৰ মূৰ্তিৰ 'প্ৰাণ প্ৰতিষ্ঠা'ৰ দিনটোৰ আৰম্ভণিতে মন্দিৰ চহৰখনৰ লগতে সমগ্ৰ দেশতে বিশাল উদযাপনৰ কৰা হয়। প্ৰধানমন্ত্ৰী নৰেন্দ্ৰ মোদীয়ে এই অনুষ্ঠানত অংশগ্ৰহণ কৰি ৰাম লালাৰ মূৰ্তিটো ৰাইজৰ বাবে মুকলি কৰে।। ইফালে, বিশ্ব হিন্দু পৰিষদৰ ৰাষ্ট্ৰীয় কোষাধ্যক্ষ দিনেশ ভাই নাভিয়াই প্ৰকাশ কৰা মতে মুকেশ পেটেলে নৱনিৰ্মিত মন্দিৰত স্থাপন কৰা ভগৱান ৰামৰ মূৰ্তিৰ বাবে কিছু অলংকাৰো দান কৰিছে।
মুকুটটোত ৪ কিলোগ্ৰাম সোণৰ লগতে হীৰা, ৰুবি, মুক্তা আৰু বিভিন্ন আকাৰৰ নীলমণি আছে। ৰাম লাল্লামূৰ্তিটো মাইচুৰৰ ভাস্কৰ্য শিল্পী অৰুণ যোগীৰাজে প্ৰস্তুত কৰিছে।
Continue Reading
