পানী খোৱাটো স্বাস্থ্যৰ পক্ষে উপকাৰী... কিন্তু বেছিকৈ পানী খোৱাটো ‘কিডনী’ৰ বাবে বিপজ্জনক, দৈনিক কিমান পানী খাব লাগে জানো আহক

ডিজিটেল ডেস্ক : প্ৰতি বছৰে ৯ মাৰ্চৰ দিনটোত ‘বিশ্ব বৃক্ক দিৱস’ হিচাপে পালন কৰা হয়। এই দিৱসৰ উদ্দেশ্য হৈছে বৃক্ক সম্পৰ্কীয় ৰোগ আৰু সমস্যাৰ বিষয়ত সজাগতা সৃষ্টি কৰা আৰু এই ৰোগৰ সংক্ৰমণ হ্ৰাস কৰা। বৃক্কৰ স্বাস্থ্য বজাই ৰাখিবলৈ প্ৰায়ে কোৱা হয় যে অধিক পৰিমাণৰ পানী খোৱা উচিত, যাতে বিষাক্ত পদাৰ্থই শৰীৰৰ পৰা ওলাই অহাত সহায় কৰিব পাৰে আৰু বৃক্ক সুস্থ হৈ থাকে। গতিকে অধিক পৰিমাণৰ পানী খোৱাটো স্বাস্থ্যৰ পক্ষে ভাল বুলি গণ্য কৰা হয়। সেয়েহে একাংশ লোকে প্ৰয়োজনতকৈ অধিক পানী সেৱন কৰা দেখা যায়। কিন্তু অধিক পানী খোৱাটো উচিতনে?

 উল্লেখ্য যে আমাৰ শৰীৰৰ প্ৰায় ৬০ শতাংশ পানীৰে গঠিত। এই পানীয়ে শৰীৰৰ অংগসমূহৰ পৰা বিষাক্ত পদাৰ্থ আঁতৰোৱাত সহায় কৰাৰ লগতে শৰীৰ বিভিন্ন কোষলৈ পুষ্টি পৰিবহণ কৰা আৰু খাদ্য হজমতো সহায় কৰে।

 * বেছিকৈ পানী খালে কি হয়?

অত্যধিক পৰিমাণৰ পানী সেৱনে মগজুৰ কাৰ্য্যত বাধাৰ সৃষ্টি কৰিব পাৰে। শৰীৰৰ কোষত (মগজুৰ কোষকে ধৰি) অতিৰিক্ত পানী জমা হ’লে এনে হয়, যাৰ বাবে কোষবোৰ ফুলি উঠে ফলত মগজুৰ ওপৰত চাপ বাঢ়ি যায়।

 * অত্যধিক পানী খোৱাৰ লক্ষণ-

১. প্ৰস্ৰাৱৰ ৰং সলনি হোৱা

২. বেছিকৈ শৌচাগাৰলৈ যোৱা

৩. পিঁয়াহ নাথাকিলেও পানী খোৱা

 ৪. বমিৰ দৰে অনুভৱ কৰা

 * দিনটোত কিমান পানী খোৱাটো উচিত?

দৈনিক কিমান পানী খাব লাগে সেয়া নিৰ্ভৰ কৰে আপুনি দৈনিক কেনেধৰণৰ কৰ্ম কৰে তাৰ ওপৰত। প্ৰতিজন ব্যক্তিৰ পানীৰ প্ৰয়োজনীয়তা বেলেগ বেলেগ। কিমান পানীৰ প্ৰয়োজন এই ৪টা ভিত্তিত নিৰ্ণয় কৰিব পাৰি।

১. শাৰীৰিক কাৰ্যকলাপৰ মাত্ৰা-

২. জলবায়ু

৩. শৰীৰৰ ওজন

৪. লিংগ

এইবোৰ কাৰকৰ ওপৰত নিৰ্ভৰ কৰি এজন ব্যক্তিয়ে দৈনিক ২ৰ পৰা ৩ লিটাৰ পানী খোৱা উচিত।