ডিজিটেল ডেস্কঃপাঁচ বছৰে কৰ্তব্যত অনুপস্থিত থাকি ৬৪ জন চিকিৎসক অৱশেষত বৰ্খাস্ত হ’বলগীয়া হ’ল। বিহাৰ চৰকাৰে শুকুৰবাৰে ৬৪ জন চিকিৎসকক পাঁচ বছৰতকৈ অধিক সময় কৰ্তব্যত অনুপস্থিত থকাৰ বাবে চাকৰিৰ পৰা বৰ্খাস্ত কৰে, বিষয়াসকলে কয়।
স্বাস্থ্য বিভাগৰ প্ৰস্তাৱৰ পিছত শুকুৰবাৰে মুখ্যমন্ত্ৰী নীতিশ কুমাৰৰ অধ্যক্ষতাত অনুষ্ঠিত কেবিনেট বৈঠকত এই সন্দৰ্ভত সিদ্ধান্ত লোৱা হয়। চিকিৎসকসকলক আৰাৰিয়া, ঔৰঙ্গাবাদ, বাঙ্কা, ভাগলপুৰ, ভোজপুৰ আৰু দৰভাঙ্গাকে ধৰি বিভিন্ন জিলাত নিযুক্তি দিয়া হৈছিল।চৰকাৰী অনুমোদন অবিহনেই তেওঁলোকে কৰ্তব্যত অনুপস্থিত আছিল বুলি চৰকাৰী সূত্ৰই প্ৰকাশ কৰিছে।
সংশ্লিষ্ট কৰ্মচাৰীসকলক তেওঁলোকৰ অনুপস্থিতিৰ কাৰণ জনাবলৈ কেইবাটাও সুযোগ দিয়া হৈছিল, কিন্তু তেওঁলোকে তেওঁলোকৰ উত্তৰ দাখিল কৰা নাছিল। অতিৰিক্ত মুখ্য সচিব (কেবিনেট সচিবালয়) এছ সিদ্ধাৰ্থই কয় যে চৰকাৰী বিষয়াসকলে পাঁচ বছৰতকৈ অধিক সময় কৰ্তব্যত অনুপস্থিত থাকিব নোৱাৰে।
Continue Reading
