ডিজিটেল ডেস্কঃ কাশ্মীৰত অলপতে দুৰ্ঘটনাত নিহত সেনা জোৱানৰ খবৰ ল’বলৈ আজি কাশ্মীৰলৈ যায় কেন্দ্ৰীয় গৃহ মন্ত্ৰী অমিত শ্বাহে। কেন্দ্ৰীয় গৃহ মন্ত্ৰী অমিত শ্বাহে আজি জম্মুত এখন সংবাদমেল সম্বোধন কৰে । কাশ্মীৰৰ পৰাই তেওঁ সীমান্তৰ সিপাৰৰ পৰা সন্ত্ৰাসবাদক উদগনি দি থকা বাবে পাকিস্তানক কঠোৰ সকিয়নী দিয়ে।
তেওঁ কাশ্মীৰৰ নাগৰিকসকলক আশ্বাস দিয়ে যে সন্ত্ৰাসবাদী আক্ৰমণৰ সৈতে জড়িত অপৰাধীসকলককোনো পধ্যে সাৰি যাবলৈ দিয়া নহ’ব। কাশ্মীৰৰ জনসাধাৰণৰ নিৰাপত্তা অধিক সুৰক্ষিত কৰা হ'ব বুলিও তেওঁ কয়। জম্মু-কাশ্মীৰ ভ্ৰমণলৈ অহা মন্ত্ৰীগৰাকীয়ে সংবাদ মাধ্যমৰ আগত কয়, "মোৰ ভ্ৰমণৰ উদ্দেশ্য হৈছে দুৰ্ভাগ্যজনক ভাৱে নিহত ব্যক্তিসকলৰ পৰিয়ালৰ সদস্যসকলক লগ ধৰা আৰু তেওঁলোকৰ বেদনাৰ সমভাগী হোৱা। "
তেওঁ লগতে কয় যে প্ৰতিকূল বতৰৰ বাবে তেওঁ ৰাজৌৰী অঞ্চলত উপস্থিত হ'ব নোৱাৰিলে । কিন্তু তেওঁ পীড়িত পৰিয়ালবোৰৰ সৈতে ফোনত কথা পাতিছে। তেওঁ কয় "মই দুৰ্ঘটনাত নিহত সেনাৰ সাতটা পৰিয়ালৰ প্ৰতিজন সদস্যৰ সৈতে কথা পাতিছো। বেয়া বতৰৰ বাবে তেওঁলোকৰ ওচৰলৈ আহিব নোৱাৰাৰ বাবে ফোনত তেওঁলোকৰ খবৰ ল’বলৈ চেষ্টা কৰিছো।
" আজি শ্বাহৰ সৈতে লেফটেনেণ্ট গভৰ্ণৰ মনোজ সিনহাও উপস্থিত আছিল । শ্বাহে কয় "কাশ্মীৰীসকলে সকলোৱে কৈছে যে এই মাটিখিনি তেওঁলোকৰ আছিল আৰু তেওঁলোকে ইয়াক কেতিয়াও এৰি নিদিয়ে।" মন্ত্ৰীগৰাকীয়ে জম্মু-কাশ্মীৰৰ নিৰাপত্তাৰ বাবে দায়বদ্ধ সকলো সংস্থাকে প্ৰশংসা কৰে।
Continue Reading
