ডিজিটেল ডেস্কঃ গেৰুৱা সাজ পিন্ধা পুৰুষসকলে ধৰ্ষকসকলক মালা পিন্ধাব পাৰে, হিংসা ঘৃণা বিয়পাব পাৰে, গেৰুৱা পৰিহিত স্বামীজিয়ে নাবালিকাক ধৰ্ষণ কৰিব পাৰে, কিন্তু চিনেমাত গেৰুৱা সাজ পিন্ধিলেই দোষ হয়।– এই ক্ষোভ প্ৰকাশ কৰিছে দক্ষিণৰ জনপ্ৰিয় তাৰকা প্ৰকাশৰাজে।
শেহতীয়াকৈ শ্বাহৰুখ খান-দীপিকা পাডুকনৰ ‘পাঠান’ ছৱিৰ ‘বেছৰম ৰং’ নামৰ গানটোক লৈ হোৱা বিতৰ্ক সন্দৰ্ভত এই মত প্ৰকাশ কৰিছে প্ৰকাশৰাজে। ইতিমধ্যে ছৱিখনৰ উক্ত গানটোত দীপিকাই পৰিধান কৰা গেৰুৱা কাপোৰে জুই লগাইছে হিন্দুত্ববাদীসকলৰ মাজত। উঠিছে বয়কট পাঠানৰ দাবী।
তদুপৰি গানটোৱে অশ্লীলতা বিয়পাইছে বুলি অভিযোগ কৰিছিল মধ্যপ্ৰদেশৰ বিজেপি নেতা নৰোত্তম মিশ্ৰই। আনকি মিশ্ৰই পাঠান ছৱিখন নিষিদ্ধ কৰাৰো দাবী জনাইছিল। তাৰপাছতে পাঠানক লৈ উত্তাল হৈ আছে দেশ।
ইয়াতে অতীষ্ঠ হৈ প্ৰকাশ ৰাজে টুইটাৰত লিখে- “যেতিয়া ধৰ্ষণকাৰীক গেৰুৱা সাজ পিন্ধা লোকে মালা পিন্ধাই তেতিয়া ঠিকে আছে। গেৰুৱা সাজ পিন্ধি ঘৃণা-হিংসা বিয়পালেও ঠিকে আছে। গেৰুৱা সাজ পিন্ধি স্বামীজিয়ে নাবালিকাক ধৰ্ষণ কৰিলেও আপত্তি নাই। কিন্তু কেৱল চিনেমাত গেৰুৱা কাপোৰ পিন্ধিলেহে আপত্তি নেকি?”
Continue Reading
