ডিজিটেল ডেস্ক: প্ৰধানমন্ত্ৰী নৰেন্দ্ৰ মোদীৰ নিৰাপত্তাত পুনৰ সুৰুঙা দেখিবলৈ পোৱা গ’ল৷ প্ৰধানমন্ত্ৰীগৰাকীয়ে কৰ্ণাটকত ৰোডশ্ব’ কৰি থাকোঁতেই ঘটিল অঘটন৷
প্ৰধানমন্ত্ৰীৰ গালৈ নিক্ষেপ কৰিলে মোবাইল ফোন৷ ৰোডশ্ব’ৰ মাজতে ফুলৰ লগতে মোবাইলো দলিয়ালে এগৰাকী মহিলাই৷ কৰ্ণাটকৰ মহীশূৰত ঘটিল এই অঘটন৷ মোদীৰ গালৈ মোবাইল ফোন দলিওৱাৰ পাছতেই আৰক্ষীয়ে জিম্মাত ল’লে মোবাইল দলিওৱা মহিলাগৰাকীক৷
উল্লেখযোগ্য যে, মোবাইল দলিওৱা মহিলাগৰাকী বিজেপিৰ সদস্য৷ ভুলবশতঃ এই ঘটনা হোৱা বুলি উল্লেখ কৰে মহিলাগৰাকীয়ে৷ মহিলাগৰাকীয়ে সদৰী কৰা অনুসৰি পুষ্পবৃষ্টিৰ সময়ত ফুল দলিয়াই থাকোঁতেই হাতৰ পৰা ওলাই গ’ল মোবাইল ফোনটো৷
Continue Reading
