ডিজিটেল ডেস্ক : শুকুৰবাৰে প্ৰধানমন্ত্ৰী মোদীক শ্ৰীলংকাৰ ৰাজধানীৰ মাজভাগত থকা ঐতিহাসিক স্বাধীনতা স্মাৰকত আনুষ্ঠানিক আদৰণি জনোৱা হয় । সম্ভৱত কোনো এজন বিদেশী নেতাক প্ৰদান কৰা এনে ধৰণৰ এয়া প্ৰথম সন্মান ।
ৰাষ্ট্ৰপতি দিশানায়েকে এই স্কোৱেৰত প্ৰধানমন্ত্ৰীক আদৰণি জনায় । ই হৈছে ৰাষ্ট্ৰীয় দিৱস উদযাপনৰ স্থান আৰু ১৯৪৮ চনত দ্বীপৰাষ্ট্ৰখনে ব্ৰিটিছ শাসনৰ পৰা স্বাধীনতা লাভৰ স্মৃতিত নিৰ্মিত স্বাধীনতা স্মাৰক হল ।
ভাৰত আৰু শ্ৰীলংকাৰ মাজত গভীৰ সাংস্কৃতিক আৰু ধৰ্মীয় সম্পৰ্ক সুদৃঢ় কৰাৰ প্ৰতীক হিচাপে প্ৰধানমন্ত্ৰী নৰেন্দ্ৰ মোদীক শ্ৰীলংকাৰ ৰাষ্ট্ৰপতি অনুৰা কুমাৰ দিছানায়কে ‘মিত্ৰ বিভূষণ’ বঁটা প্ৰদান কৰে।
মিত্ৰ বিভূষণ বঁটা কি?
১)বন্ধুত্বপূৰ্ণ জাতিসমূহৰ প্ৰতি ব্যতিক্ৰমী অৱদান আৰু বন্ধুত্বপূৰ্ণ সম্পৰ্ক প্ৰসাৰিত কৰাৰ বাবে দিয়া শ্ৰীলংকাৰ সন্মান।
২)এই বঁটা ২০০৮ চনৰ ফেব্ৰুৱাৰী মাহত ৰাষ্ট্ৰপতি মহিন্দ ৰাজাপাকছে প্ৰতিষ্ঠা কৰিছিল।সন্মান লাভকাৰীক প্ৰশস্তি আৰু ৰূপৰ পদক দিয়া হয়।
৩)পদকটোত পদুম, গ্ল’ব, সূৰ্য্য, চন্দ্ৰ আৰু ধানৰ গুটিৰ প্ৰতীকৰে ৯ প্ৰকাৰৰ শ্ৰীলংকাৰ ৰত্ন (নৱৰত্ন) সজাই তোলা হৈছে।
এই বঁটাটোৱে দুয়োখন দেশ ভাৰত আৰু শ্ৰীলংকাৰ মাজত বন্ধুত্ব আৰু সহযোগিতাৰ সুদৃঢ় সম্পৰ্কক প্ৰতিফলিত কৰে। সম্বৰ্ধনা অনুষ্ঠানৰ সময়ত দুয়োখন দেশৰ প্ৰাচীন সম্পৰ্কক চিত্ৰিত কৰা কেইবাটাও গুৰুত্বপূৰ্ণ সাংস্কৃতিক প্ৰতীকৰ কথা উল্লেখ কৰা হয়।
"ৰাষ্ট্ৰপতি দিশানায়েকৰ দ্বাৰা শ্ৰীলংকা মিত্ৰ বিভূষণ বঁটা লাভ কৰাটো মোৰ বাবে এক সন্মানৰ বিষয় । এইটো ১.৪ বিলিয়ন ভাৰতীয়ৰ বাবেও এক সন্মান ।" মোদীয়ে তেওঁৰ মন্তব্যত কয় ।
মুখ্য প্ৰতিৰক্ষা চুক্তিত স্বাক্ষৰ
এই উচ্চাভিলাষী প্ৰতিৰক্ষা সহযোগিতা চুক্তিত গভীৰ দ্বিপাক্ষিক সহযোগিতাৰ বাবে এক বিস্তৃত ৰোডমেপ প্ৰস্তুত কৰা হৈছে । ইয়াত দাবী কৰা হৈছে যে দুয়োখন ৰাষ্ট্ৰৰ নিৰাপত্তা ব্যৱস্থা দুয়োৰে সৈতে জড়িত আৰু এই ক্ষেত্ৰত এখন দেশ সিখনৰ ওপৰত নিৰ্ভৰশীল । প্ৰধানমন্ত্ৰী মোদী আৰু ৰাষ্ট্ৰপতি দিশানায়েকৰ মাজত অনুষ্ঠিত বিস্তৃত আলোচনাৰ পিছত দুয়োপক্ষই স্বাক্ষৰ কৰা সাতখন গুৰুত্বপূৰ্ণ চুক্তিৰ ভিতৰত এই প্ৰতিৰক্ষা চুক্তিও আছে ।
কৌশলগত সম্পৰ্ক শক্তিশালী কৰাৰ বাবে এক গুৰুত্বপূৰ্ণ পদক্ষেপ হিচাপে বিবেচিত এই প্ৰতিৰক্ষা চুক্তি দ্বীপৰাষ্ট্ৰখনত ভাৰতীয় শান্তিৰক্ষা বাহিনীৰ হস্তক্ষেপৰ প্ৰায় চাৰি দশক পিছত আহিছে ।
ভাৰত আৰু শ্ৰীলংকাৰ মাজত স্বাক্ষৰিত বুজাবুজি চুক্তিৰ তালিকা
- প্ৰতিৰক্ষা সহযোগিতাৰ ক্ষেত্ৰত বুজাবুজি চুক্তি ।
- শক্তি আমদানি আৰু ৰপ্তানিৰ বাবে এইচ ভি ডি চি আন্তঃসংযোগ ৰূপায়ণ ।
- ডিজিটেল পৰিৱৰ্তনৰ বাবে জনসংখ্যা ভিত্তিক ৰূপায়ণ কৰা সফল ডিজিটেল সমাধান ভাগ-বতৰা কৰাৰ ক্ষেত্ৰত সহযোগিতা ।
- ভাৰত, শ্ৰীলংকা আৰু সংযুক্ত আৰব আমিৰেটছৰ মাজত শক্তিকেন্দ্ৰ হিচাপে ত্ৰিংকোমালীৰ বিকাশত সহযোগিতাৰ বাবে বুজাবুজিৰ চুক্তি ।
- পূব প্ৰদেশৰ বাবে বহু-খণ্ডীয় অনুদান সহায় ।
- ভাৰত চৰকাৰৰ স্বাস্থ্য আৰু পৰিয়াল কল্যাণ মন্ত্ৰণালয় আৰু শ্ৰীলংকাৰ স্বাস্থ্য আৰু গণ মাধ্যম মন্ত্ৰণালয়ৰ মাজত স্বাস্থ্য আৰু ঔষধৰ ক্ষেত্ৰত সহযোগিতাৰ ক্ষেত্ৰত বুজাবুজিৰ চুক্তি ।
- ভাৰতীয় ঔষধ আয়োগ আৰু শ্ৰীলংকাৰ ৰাষ্ট্ৰীয় ঔষধ নিয়ামক কৰ্তৃপক্ষৰ মাজত ঔষধ সামগ্ৰীৰ সহযোগিতাৰ বাবে বুজাবুজি চুক্তি ।
- প্ৰধানমন্ত্ৰী মোদীৰ শ্ৰীলংকা ভ্ৰমণৰ সময়ত প্ৰকল্পসমূহ শুভ উদ্বোধন বা আৰম্ভ কৰা হয় ।
- উন্নীতকৰণ কৰা মাহো-ওমানথাই ৰে'লপথৰ উদ্বোধন ।
- মাহো-অনুৰাধাপুৰা ৰে'লপথৰ বাবে ছিগনেলিং ব্যৱস্থা নিৰ্মাণৰ শুভাৰম্ভ ।
- সম্পুৰ সৌৰ শক্তি প্ৰকল্পৰ গ্ৰাউণ্ড ব্ৰেকিং অনুষ্ঠান (ভাৰ্চুৱেল) ।
- ডাম্বুলাত তাপমাত্ৰা নিয়ন্ত্ৰিত কৃষি ৱেৰহাউছৰ উদ্বোধন (ভাৰ্চুৱেল) ।
- সমগ্ৰ শ্ৰীলংকাত ৫০০০ ধৰ্মীয় প্ৰতিষ্ঠানৰ বাবে সৌৰ ছাদ ব্যৱস্থাৰ যোগান (ভাৰ্চুৱেল) ।
Continue Reading
