ডিজিটেল ডেস্কঃ মহামানৱ মহাত্মা গান্ধীৰ উপৰিও আন এজন 'জাতিৰ পিতা’ৰ সন্ধান লাভ কৰিলে মহাৰাষ্ট্ৰ উপমুখ্যমন্ত্ৰীৰ পত্নী অমৃতা ফাডনাৱিছে। অমৃতাই গান্ধীক পুৰণি ভাৰতৰ জাতিৰ পিতা বুলি অভিহিত কৰি কয় যে আধুনিক ভাৰতৰ 'জাতিৰ পিতা' হৈছে প্ৰধানমন্ত্ৰী নৰেন্দ্ৰ মোদী।
অমৃতাই কৰা এই বক্তব্যৰ পাছতে এতিয়া বিতৰ্কৰ সৃষ্টি হৈছে। অৱশ্যে এয়াই প্ৰথম নহয়, ইয়াৰ পূৰ্বেও মোদীক অমৃতাই জাতিৰ পিতা আখ্যা দিছিল।
''ভাৰতৰ জাতিৰ পিতা দুজন। এজন মহাত্মা গান্ধী। তেওঁ আগৰ দিনৰ। আৰু নতুন ভাৰতৰ জাতিৰ পিতা নৰেন্দ্ৰ মোদী।’’- এটা টেলিভিছন চেনেলৰ আগত শেহতীয়াকৈ অমৃতাই এইদৰে কৈছে।
উল্লেখ্য যে গান্ধীজীক প্রথমবাৰ জাতিৰ পিতা আখ্যা দিছিল নেতাজী সুভাষ চন্দ্ৰ বোসে। তাৰপাছতে সমগ্ৰ দেশত জাতিৰ পিতা বুলিলে গান্ধীজীকে বুজোৱা হয়। এইবাৰ সুভাষ বোসৰ দৰেই অমৃতাইও মোদীক জাতিৰ পিতা আখ্যা দিছে।
অমৃতাৰ মন্তব্যৰ বিৰোধিতা কৰি মহাৰাষ্ট্ৰৰ কংগ্ৰেছ নেতা যশোমতি ঠাকুৰে কৈছে যে যিসকলে বিজেপি-আৰএছএছৰ আদৰ্শ মানি চলে তেওঁলোকে গান্ধীক হত্যা কৰাৰ চক্ৰান্ত কৰিছিল আৰু এতিয়া প্ৰতিনিয়ত ইতিহাস বিকৃত কৰাৰ অপচেষ্টা চলাই থকা হৈছে।
Continue Reading
