ডিজিটেল ডেস্কঃ মণিপুৰত আজি সংঘটিত হয় এক ভয়ংকৰ দুৰ্ঘটনা। স্কুলীয়া শিক্ষাৰ্থী কঢ়িয়াই নিয়া দুখনকৈ স্কুল বাছে নিয়ন্ত্ৰণ হেৰুৱাই দ’ খাৱৈত বাগৰি পৰাৰ ফলত কমেও ২০ গৰাকী ছাত্ৰী-ছাত্ৰীৰ কৰুণ মৃত্যু ঘটে৷ নিহৰ সংখ্যা আৰু অধিক হ’ব পাৰে বুলি আশংকা কৰা হৈছে৷ । দুৰ্ঘটনাটোত বহু কেইগৰাকী ছাত্ৰ-ছাত্ৰী গুৰুতৰ ভাবে আহত হয়৷ । আহতসকলক সংকটজনক অৱস্থাত চিকিৎসালয়ত ভৰ্তি কৰোৱা হৈছে।
বুধবাৰে মণিপুৰৰ নুন জিলাত সংঘটিত হয় এই শোকাৱহ দুৰ্ঘটনাটো । জানিব পৰা মতে বাছ দুখনে থুম্বলনু উচ্চতৰ মাধ্যমিক বিদ্যালয়ৰ ছাত্ৰ-ছাত্ৰীসকলক শিক্ষামূলক ভ্ৰমণৰ বাবে লৈ গৈছিল। বাছ দুখন য়াৰিপোকৰ পৰা খাউপাম জিলালৈ গৈ আছিল। বিষ্ণুপুৰ-খুপম পথত স্কুলীয়া ছাত্ৰ-ছাত্ৰীৰ বাছ দুখনে নিয়ন্ত্ৰণ হেৰুৱাই দ’ খাৱৈত বাগৰি পৰে। বাছ দুখন লংচাই টুবং গাঁৱৰ ওচৰৰ এটা খাৱৈত বাগৰি পৰা বুলি খবৰ আহিছে৷ 
ঘটনাস্থলীতে কমেও ২০ গৰাকী ছাত্ৰ-ছাত্ৰীৰ মৃত্যু হয়। বহু কেইগৰাকী শিক্ষাৰ্থীক গুৰুতৰ ভাৱে আঘাতপ্ৰাপ্ত অৱস্থাত উদ্ধাৰ কৰা হৈছে আৰু চিকিৎসালয়ত ভৰ্তি কৰোৱা হৈছে। তেওঁলোকৰ বহুতৰে অৱস্থা সংকটজনক বুলি জানিব পৰা গৈছে। দুৰ্ঘটনাটো কেনেদৰে সংঘটিত হ’ল সেয়া এতিয়াও জানিব পৰা হোৱা নাই৷ দুৰ্ঘটনাটোৰ তদন্ত আৰম্ভ কৰা হৈছে।
Continue Reading
