কন্যাৰ প্ৰেম বিবাহত ক্ষুব্ধ হৈ এজন পিতৃয়ে পাকিস্তানৰ কৰাচীৰ আদালতত গুলীয়াই হত্যা কৰে। বৰ্তমান অভিযুক্ত পিতৃক গ্ৰেপ্তাৰ কৰা হৈছে।

Listen to Article

2 min read

80%

ডিজিটেল ডেস্ক: পাকিস্তানৰ কৰাচী আদালতৰ পৰা পোহৰলৈ আহিছে এক চাঞ্চল্যকৰ কাণ্ড পোহৰলৈ আহিছে। শেহতীয়া খবৰ অনুসৰি সোমবাৰে কৰাচীৰ আদালতত এগৰাকী নৱবিবাহিত মহিলাক পিতৃয়ে গুলীয়াই হত্যা কৰে।

এই ঘটনা সন্দৰ্ভত আৰক্ষীয়ে তথ্য প্ৰদান কৰিছে। কৰাচীৰ জ্যেষ্ঠ আৰক্ষী অধীক্ষক শ্বব্বিৰ ছেথাৰে জনোৱা মতে, সোমবাৰে কৰাচীৰ পিৰাবাদৰ বাসিন্দা মহিলাগৰাকীয়ে নিজৰ বক্তব্য লিপিবদ্ধ কৰিবলৈ কৰাচী চহৰৰ আদালতলৈ আহিছিল। য’ত তেওঁৰ বিবাহ সম্পৰ্কীয় চলি থকা গোচৰটোত শুনানি অনুষ্ঠিত হ’ব লাগিছিল। শুনানিৰ সময়ত মহিলাগৰাকীয়ে নিশ্চিত কৰে যে তেওঁ নিজৰ ইচ্ছামতে বিয়া কৰাইছে।

আৰক্ষী বিষয়াগৰাকীয়ে কয় যে মহিলাগৰাকী জনজাতীয় অঞ্চল ৱাজিৰিষ্টানৰ বাসিন্দা আছিল। শেহতীয়াকৈ তেওঁ চুবুৰীৰ এজন ডাক্তৰক বিয়া কৰাইছিল। এই কথাত দেউতাকৰ খং উঠিল। তেতিয়া সোমবাৰে পুৱা মহিলাগৰাকীয়ে নিজৰ বক্তব্য লিপিবদ্ধ কৰিবলৈ আদালতলৈ গৈছিল তেতিয়া পিতৃয়ে গুলীচালনা কৰিছিল বুলি জ্যেষ্ঠ আৰক্ষী অধীক্ষক শ্বব্বিৰ ছেথাৰে জানিবলৈ দিয়ে।গুলিৰ আঘাতৰ বাবে থিতাতে মৃত্যু হয় মহিলাগৰাকীৰ । এই ঘটনাত এজন আৰক্ষীও আহত হৈছে। যদিও এতিয়া তেওঁ বিপদৰ বাহিৰত। অভিযুক্তক গ্ৰেপ্তাৰ কৰা হৈছে। ইয়াৰ সমান্তৰালকৈ এই অস্ত্ৰও জব্দ কৰা হৈছে। বৰ্তমান অভিযুক্তক জেৰা অব্যাহত ৰাখিছে।