ডিজিটেল ডেস্ক: এয়া প্ৰেমেই নে? প্ৰেমৰ জানো থাকে এনে জিঘাংসু ৰূপ! প্ৰেমৰ প্ৰস্তাৱ প্ৰত্যাখ্যান কৰাৰ বাবেই ভালপোৱাক ভুলুণ্ঠিত কৰি হত্যা কৰিব পৰাজন প্ৰেমিক হ’ব পাৰেনে? তেনে এক ভয়ংকৰ ঘটনাই সংঘটিত হৈছে এইখন ভাৰতত৷
উত্তৰ প্ৰদেশৰ ভদোহীৰ সুৰভায়া অঞ্চলত এগৰাকী ১৫ বছৰীয়া কিশোৰীক নিৰ্মমভাৱে হত্যা কৰা হৈছে৷
এজন ব্যক্তিয়ে প্ৰত্যাখ্যিত প্ৰেমৰ বাবেই গুলীয়াই হত্যা কৰিছে ১৫ বছৰীয়া এগৰাকী কিশোৰীক৷
অনুৰাধা বিন্দেই তেওঁৰ সম্পৰ্কীয় ভগ্নী নিশাৰ সৈতে এটা প্ৰশিক্ষণ প্ৰতিষ্ঠানৰ পৰা ঘৰলৈ উভতি আহি আছিল৷ তেতিয়াই অভিযুক্ত অৰবিন্দ বিশ্বকৰ্মাই (২২) তেওঁৰ মূৰত গুলীয়াইছিল। তেওঁ ঘটনাস্থলীতে মৃত্যুবৰণ কৰিছিল বুলি আৰক্ষীয়ে সদৰী কৰিছে।
প্ৰাৰম্ভিক অনুসন্ধানে প্ৰকাশ কৰিছে যে অভিযুক্তজন ছোৱালীজনীৰ প্ৰেমত পৰিছিল কিন্তু কিশোৰীগৰাকীয়ে সঁহাৰি জনোৱা নাছিল৷
যুৱকজনৰ প্ৰেমৰ প্ৰস্তাৱ প্ৰত্যাখ্যান কৰাৰ বাবে বিৰক্ত হৈ তেওঁ কিশোৰীগৰাকীক গুলীয়াইছিল বুলি আৰক্ষী অধীক্ষক অনিল কুমাৰে মন্তব্য কৰে৷ সম্প্ৰতি অভিযুক্তজনক বিচাৰি উলিওৱাৰ চেষ্টা চলি আছে বুলি আৰক্ষীয়ে সদৰী কৰে৷
Continue Reading
