বিজেপি-আৰএছএছ ধ্বংসকাৰী! মোদী চৰকাৰৰ বিৰুদ্ধে জনতাৰ ওচৰত " চাৰ্জশ্বীট" দাখিল কৰিব কংগ্ৰেছে, কিদৰে দাখিল কৰিব " চাৰ্জশ্বীট" ?

তেওঁ কয় যে  ঘৰে ঘৰে প্ৰচাৰৰ সময়ত সমগ্ৰ দেশৰ প্ৰতিটো ঘৰতে  মোদী চৰকাৰৰ বিৰুদ্ধে এখন "অভিযোগনামা" প্ৰদান কৰা হ'ব। তেওঁ কয় যে শনিবাৰে দিল্লীত "চাৰ্জশ্বীট" মুকলি কৰা হ'ব৷ ভাৰত যোড়ো যাত্ৰাৰ সময়তএখন সংবাদমেল সম্বোধন কৰি ৰমেশে কয়, "কংগ্ৰেছ কৰ্মীসকলে ১০ লাখ ভোটকেন্দ্ৰৰ অধীনত থকা প্ৰতিখন  ঘৰত উপস্থিত হ'ব৷ ৰাহুল গান্ধীয়ে লিখা এখন পত্ৰ আৰু মোদী চৰকাৰৰ বিফলতাৰ বিৰুদ্ধে অভিযোগনামা সকলোকে বিলোৱা হ’ব।" তেওঁ কয়, "ভাৰত যোড়ো যাত্ৰা নিৰ্বাচনৰ সৈতে সম্পৰ্কিত নহয়। ই হৈছে বিজেপি আৰু আৰ এছ এছৰ অৰ্থনৈতিক বৈষম্য, সামাজিক মেৰুকৰণ আৰু ৰাজনৈতিক একনায়কত্বৰ বিৰুদ্ধে যুঁজ।" অনুচ্ছেদ ৩৭০ প্ৰত্যাহাৰ সম্পৰ্কীয় এক প্ৰশ্নৰ উত্তৰত তেওঁ কয়, "আমি বিশ্বাস কৰোঁ যে ৫ আগষ্ট, ২০১৯ত বিধেয়কখন গৃহীত কৰাৰ প্ৰক্ৰিয়াটো গণতান্ত্ৰিক নাছিল। আলোচনা আৰু সঠিক বিশ্লেষণ নকৰাকৈ বিধেয়কখন গৃহীত হৈছিল। আমি বিচাৰো যে জম্মু-কাশ্মীৰত গণতন্ত্ৰ পুনৰুদ্ধাৰ কৰা হ'ব আৰু অঞ্চলটোক পূৰ্ণ ৰাজ্যৰ মৰ্যাদা দিয়া হ'ব।"

 ভাৰত যোড়ো যাত্ৰাত 'বিচ্ছিন্নতাবাদক উৎসাহিত কৰা' গুপকাৰ এলায়েন্সৰ সদস্য আছে বুলি বিজেপিয়ে কৰা অভিযোগ সন্দৰ্ভতনিজৰ প্ৰতিক্ৰিয়া ব্যক্ত ৰি ৰমেশে কয়, "ৰাজ্যখনত পিডিপিৰ সৈতে কোনে মিত্ৰজোঁটৰ চৰকাৰ গঠন কৰিছিল? দলটো আছিল বিজেপি। তেওঁলোকে সেয়ে  আত্মপৰ্যালোচনা কৰা উচিত।" কংগ্ৰেছে গুলাম নবী আজাদৰ ডিএপিক বিজেপিৰ 'বি দল' হিচাপে গণ্য কৰে নেকি বুলি সোধাত ৰমেশে কয়, "এয়া সঁচা, কিন্তু দলটো ইতিমধ্যে নিঃশেষ  হৈছে।  জম্মু-কাশ্মীৰত মোডী-শ্বাহৰ ৰণনীতি বিফল হৈছে।" 

ইফালে, নেচনেল কনফাৰেন্সৰ নেতা ফাৰুক আব্দুল্লাই কংগ্ৰেছৰ সাংসদ ৰাহুল গান্ধীক  বৈদিক পণ্ডিত আদি শংকৰাচাৰ্যৰ সৈতে তুলনা কৰিছে৷ জম্মু-কাশ্মীৰৰ এখন ৰাজহুৱা সভাত ভাষণ দিয়াৰ সময়ত ৰাহুলক আব্দুল্লাই এনেদৰে অভিহিত কৰে৷ ফাৰুকে কয়  যে শংকৰাচাৰ্যৰ পিছত ৰাহুল গান্ধী  প্ৰথম ব্যক্তি যিয়ে কন্যাকুমাৰীৰ পৰা কাশ্মীৰলৈ যাত্ৰা কৰিছে।" তেওঁ লগতে কয় যে শতিকা আগতে শংকৰাচাৰ্য ইয়ালৈ আহিছিল। তেওঁ খোজকাঢ়ি আহিছিল ৷ তেতিয়া এই ঠাইত  জংঘলৰ বাহিৰে কোনো ৰাস্তা নাছিল। তেওঁ কন্যাকুমাৰীৰ পৰা কাশ্মীৰলৈ খোজকাঢ়িছিল। ৰাহুল গান্ধী হৈছে দ্বিতীয় জন ব্যক্তি যিয়ে  ভাৰতক একত্ৰিত কৰিবলৈ একেখন  কন্যাকুমাৰীৰ পৰা যাত্ৰা উলিয়াই কাশ্মীৰত উপস্থিত হৈছে"।