ডিজিটেল ডেস্কঃ ইলেক্ট্ৰিক গাড়ীক ভৱিষ্যতৰ বাহন বুলি প্ৰচাৰ কৰা হৈছে যদিও কিছুমান কোম্পানীয়ে আৰু এখোজ আগুৱাই যাবলৈ চেষ্টা কৰিছে। টয়োটা, এম জিকে ধৰি বহু কোম্পানীয়ে হাইড্ৰজেন চালিত বাহনৰ ওপৰত বাজি ধৰিছে। একে সময়তে ভাৰতৰ বৃহৎ গাড়ী নিৰ্মাতা কোম্পানী মাৰুতি চুজুকিয়ে এখোজ আগুৱাই গৈ গৰুৰ গোবৰেৰে গাড়ী চলোৱাৰ কথা কৈছে। শেহতীয়াকৈ চুজুকি মটৰ কৰ্পৰেশ্যনে পৰিষ্কাৰ ইন্ধনৰ বিকল্পৰ ওপৰত গুৰুত্ব দিয়াৰ কথা কৈছিল। ইয়াৰ অধীনত মাৰুতি চুজুকিয়ে গৰুৰ গোবৰ ব্যৱহাৰ কৰি বায়’গেছ উৎপাদন কৰিব, যাৰ সহায়ত ভৱিষ্যতে চিএনজি গাড়ী চলোৱা হ’ব।
চুজুকিয়ে কয়, "কাৰ্বন নিৰ্গমন হ্ৰাস কৰাৰ বাবে চুজুকিৰ অনন্য পদক্ষেপ হৈছে বায়'গেছ ব্যৱসায়, য'ত গৰুৰ গোবৰৰ পৰা বায়'গেছ লাভ কৰা হ'ব। এই বায়'গেছ চুজুকিৰ চিএনজি মডেলৰ বাবে ব্যৱহাৰ কৰিব, যিটো ভাৰতৰ প্ৰথমখন চিএনজি গাড়ী হ'ব।" প্ৰায় ৭০ শতাংশ ভাৰতৰ গ্ৰাম্য অঞ্চলত গৰুৰ গোবৰক প্ৰায়ে আৱৰ্জনা হিচাপে দেখা যায়। মাৰুতিৰ এই আঁচনিৰ পিছত গৰুৰ গোবৰ কিনি বিক্ৰী কৰিব পাৰি।" চিএনজি অটোমোটিভ সমাধানসমূহে কেৱল ভাৰতীয় বজাৰখনকে পূৰণ কৰাই নহয়, শক্তিশালী কৃষি খণ্ড থকা আফ্ৰিকা, আছিয়ান আৰু জাপানকে ধৰি বজাৰসমূহলৈও ৰপ্তানি কৰা হ’ব।
গৰুৰ গোবৰ বায়’গেছ উৎপাদন আৰু যোগানৰ পৰিকল্পনাও প্ৰস্তুত কৰিছে মাৰুতি চুজুকিয়ে। ইয়াৰ বাবে কোম্পানীটোৱে নেশ্যনেল ডেইৰী ডেভেলপমেণ্ট ব’ৰ্ড আৰু বানাছ ডেইৰীৰ দৰে সংস্থাৰ সৈতেও অংশীদাৰিত্ব কৰিব। চুজুকিয়ে জাপানস্থিত ফুজিছান আছাগিৰি বায়’মাছতো বিনিয়োগ কৰিছে যিয়ে গৰুৰ গোবৰ বায়’গেছ ব্যৱহাৰ কৰি বিদ্যুৎ উৎপাদন কৰে।
চুজুকিয়ে অনুমান কৰিছে যে এদিনত ১০টা গৰুৰ পৰা পোৱা গোবৰ ১ দিন ১খন গাড়ী চলাবলৈ যথেষ্ট হ’ব। এতিয়ালৈকে চুজুকিৰ গৰুৰ গোবৰ বায়’গেছ পৰিকল্পনাটো পৰীক্ষাৰ দৰেই দেখা গৈছে। বৰ্তমান সময়ত গৰুৰ গোবৰৰ জৈৱ গেছৰ খৰচ, ইঞ্জিনত ইয়াৰ প্ৰভাৱকে ধৰি বহু দিশত কাম কৰিবলগীয়া হৈছে। ২০২৪ চনৰ মাজভাগৰ পৰা গৰুৰ গোবৰ বায়’গেছৰ উৎপাদন আৰম্ভ কৰাৰ পৰিকল্পনা কৰিছে চুজুকিয়ে।
Continue Reading
