ডিজিটেল ডেস্কঃ আমাজনৰ বৰ্ষাৰণ্যৰ অন্যতম বিপজ্জনক মাছ পিৰান্হা। এই মাংসভোজী মাছে সন্মুখত পালে মানুহক ভক্ষণ কৰে। উত্তৰ কোৰিয়াৰ প্ৰশাসক কিম জং উনে ব্ৰাজিলৰ পৰা এনে কেইবাটাও পিৰান্হা নিজৰ দেশলৈ আনিছে। এয়া তেওঁৰ প্ৰশাসনৰ শাস্তিৰ নতুন মাধ্যম হৈ পৰিছে।
শেহতীয়াকৈ কিমে নিজৰ প্ৰশাসনৰ এজন বিদ্ৰোহী বিষয়াক পিৰানা ভৰ্তি পুখুৰীত পেলাই হত্যা কৰাৰ অভিযোগ উত্থাপন হৈছে। ব্ৰিটেইনৰ ডেইলী ষ্টাৰত প্ৰকাশিত বাতৰি অনুসৰি কিমৰ বাসগৃহত নিজাকৈ পানীৰ টেংকি আছে। তাত ব্ৰাজিলৰ পিৰান্হা ৰখা হয়। সাধাৰণ পদবীৰ বিষয়াজনক পানীত পেলাই দিয়া হয়। তাতেই তেওঁৰ মৃত্যু হয়।
অভিযোগ অনুসৰি পানীত পেলোৱাৰ পূৰ্বে তেওঁৰ হাত আৰু ডিঙি কাটি পেলোৱা হৈছিল। সেই আঘাতৰ ফলত তেওঁৰ মৃত্যু হৈছিল, পানীত ডুব গৈছিল নে প্ৰকৃততে পিৰানাৰ আক্ৰমণত মৃত্যু হৈছিল সেয়া স্পষ্ট নহয়।
নিহত জেনেৰেলে উত্তৰ কোৰিয়াত কিমৰ বিৰুদ্ধে সামৰিক অভ্যুত্থানৰ পৰিকল্পনা কৰিছিল বুলি অভিযোগ উঠিছে। সেই কথা গম পোৱাৰ পিছত কিমে তেওঁক শাস্তি দিলে। শেহতীয়াকৈ আন কেইবাজনো অপৰাধীয়েও একে শাস্তি ভোগ কৰিবলগীয়া হৈছে।
ইয়াৰ পূৰ্বে কিমে দেশখনৰ সেনা প্ৰধান, কেন্দ্ৰীয় বেংকৰ চিইঅ’ আৰু কিউবা আৰু মালয়েছিয়াত থকা ৰাষ্ট্ৰদূতক হত্যা কৰিছিল। তেওঁ সাধাৰণতে ৰাজহুৱা স্থানত ফাঁচী চলায়, যাতে দেশৰ বাকী নাগৰিকে ভয় অনুভৱ কৰে।
Continue Reading
