ডিজিটেল ডেস্কঃ বলীউডৰ অভিনেত্ৰী ৰাকুল প্ৰীত সিং আৰু জেকী ভগনানীৰ বিবাহৰ খবৰে শেহতীয়াকৈ বাতৰিৰ শিৰোনাম দখল কৰিছে।ইতিমধ্যে দম্পতীহালৰ বিয়াৰ প্ৰস্তুতি আৰম্ভ হৈছে আৰু প্ৰতিদিনে তেওঁলোকৰ বিয়াৰ বিষয়ে তথ্যৰ নতুন অগ্ৰগতি লাভ কৰিছে৷
দুয়োৰে ২১ ফেব্ৰুৱাৰীত গোৱাৰ এখন হোটেলত বিয়া হ'ব, বিয়াৰ থিম কি হ'ব সেই খবৰে এতিয়া শিৰোনাম দখল কৰিছে৷। এতিয়া এই দম্পতীৰ বিয়াৰ সন্দৰ্ভত আন এক নতুন আপডেট আহিছে। কোৱা হৈছে যে বিয়াৰ পাছত দুয়োজনেই মধুচন্দ্ৰিকাৰ বাবে নাযায়। ইয়াৰ কাৰণো পোহৰলৈ আহিছে।
আচলতে ই টাইমছৰ প্ৰতিবেদন অনুসৰি অভিনেত্ৰীগৰাকীয়ে বিয়াৰ তিনিদিন আগলৈকে কাম কৰিবলৈ গৈ আছে আৰু বিয়াৰ প্ৰায় এসপ্তাহৰ পাছত বলীউডৰ নতুন ছবিৰ শ্বুটিং আৰম্ভ কৰিব পাৰিব।
একে সময়তে জেকী ভগনানীও ব্যস্ত থাকিব অক্ষয় কুমাৰ আৰু টাইগাৰ শ্ৰফৰ ছবি ‘বড়ে মিয়ান আৰু ছোটে মিয়া’ত, কাৰণ প্ৰযোজক হিচাপে এইখন তেওঁৰ বাবে ডাঙৰ ছবি হ’বলৈ গৈ আছে। এনে পৰিস্থিতিত দুয়োজনে হানিমুনৰ পৰিকল্পনা বাতিল কৰিব পাৰে আৰু কামৰ পৰা বিৰতি লৈ পাছত হানিমুনৰ পৰিকল্পনা কৰিব পাৰে।
ইণ্ডিয়া টুডেৰ খবৰ অনুসৰি অহা ২১ ফেব্ৰুৱাৰীত গোৱাৰ বিলাসী হোটেল আইটিচি গ্ৰেণ্ডত ৰাকুল আৰু জেকীৰ বিবাহ সম্পন্ন হ’ব। দুয়োৰে বিয়াখন অতি ৰাজকীয় হ’ব, য’ত কেৱল বন্ধু-বান্ধৱ আৰু পৰিয়ালৰ লোকেহে অংশগ্ৰহণ কৰিব পাৰিব। এই ৰাজকীয় বিবাহৰ প্ৰতিটো অনুষ্ঠানতে বিভিন্ন থিম দেখা যায়। লগতে ৰাকুল আৰু জেকীৰ বিয়াখন ইক’ ফ্ৰেণ্ডলী হ’ব।
Continue Reading
