ডিজিটেল ডেস্কঃ আজি বিশ্ব চাইকেল দিৱস, এই দিৱস ৩ জুনত উদযাপন কৰা বাৰ্ষিক অনুষ্ঠান। ২০১৮ চনত ৰাষ্ট্ৰসংঘৰ সাধাৰণ পৰিষদে এই চাইকেলখনক সহজ, সুলভ, নিৰ্ভৰযোগ্য, পৰিষ্কাৰ আৰু পৰিৱেশৰ প্ৰতি উপযুক্ত বহনক্ষম পৰিবহণ মাধ্যম হিচাপে স্বীকৃতি দিবলৈ আগবাঢ়ি আহিছিল। ৩ জুন তাৰিখ নিৰ্বাচন কৰাৰ তাৎপৰ্যপূৰ্ণ কাৰণ হ’ল যে এই দিনটোতে ১৮১৭ চনত কাৰ্ল ভন ড্ৰেইছে চাইকেলখনৰ উদ্ভাৱন কৰিছিল।ৰাষ্ট্ৰসংঘৰ সাধাৰণ পৰিষদে ২০১৮ চনৰ এপ্ৰিল মাহত এই দিনটো আনুষ্ঠানিকভাৱে নিৰ্ধাৰণ কৰি চাইকেলখনৰ ব্যতিক্ৰমী গুণ, স্থায়িত্ব, আৰু বহুমুখীতাক সন্মান জনাইছিল, সেই হিচাপে বিবেচনা কৰি চাইকেলখনক দুটা শতিকাৰো অধিক সময় ধৰি ব্যৱহাৰিক পৰিবহণ পদ্ধতি হিচাপে ব্যৱহাৰ কৰা হৈছে। ৰাষ্ট্ৰসংঘই চাইকেলখনক পোনপটীয়া, খৰচ-বহনক্ষম, নিৰ্ভৰযোগ্য, পৰিৱেশ-বন্ধুত্বপূৰ্ণ আৰু বহনক্ষম পৰিবহণৰ মাধ্যম হিচাপে স্বীকৃতি দিছিল৷
আমাৰ সকলোৰে সৰু সময়চোৱাত চাইকেলখনেই এটা বিশেষ আৰু অনন্য স্থান গ্ৰহণ কৰিছে৷গ্ৰামাঞ্চলৰ প্ৰায়ভাগ সন্তানে নিজৰ পিতৃৰ চাইকেলৰ কেৰিয়াৰ আৰু আগৰ সৰু ছীটটোতেই বিদ্যালয়ৰ আদিপাঠ আৰম্ভ কৰিছিল৷দেউতাই বজাৰৰ বাবে বিক্ৰী কৰিবলৈ চাইকেলখনত দেওবাৰে বান্ধি লৈ গৈছিল দোমোনা পাচলি৷আমাৰ বাবে বিলাসিতা আছিল বিশ্বকৰ্মা পূজাৰ দিনা ধুৱাই-পখালি চাইকেলখন গাঁৱত লৈ ফুৰাৰ স্মৃতি৷
সৰস্বতী পূজাৰ দিনা চাইকেলত দুজন বা তিনিজন বন্ধুক বহুৱাই লৈ দূৰণিবটীয়া বন্ধুু ঘৰলৈ যোৱাৰ মাদকতাও আছিল সুকীয়া৷হিৰ’ৰ চাইকেল আছিল বিএচএৰ চাইকেলৰ তুলনাত কম দামী,বিএচএ ক্ৰয় কৰা বন্ধুকেইজনৰ ঘৰৰ অৱস্থা কিছু ভাল আছিল,সিহঁতৰ লগত ঘনিষ্ঠ দুই এজনে বিএছএ চাইকেল চলোৱাৰ সুযোগ সুবিধা লাভ কৰিছিল৷
আজি সেই চাইকেলৰ গুৰুত্ব কমিছে যদিও কিন্তু স্বাস্থ্য ভালকৈ ৰখা,প্ৰকৃতিৰ ৰম্যভূমিত সাঁতুৰি ফুৰিবৰ বাবে ব্যৱহাৰ কৰা দেখা যায়৷কৰ্মজীৱি মানুহৰ মাজত আজিও ক্ৰমাৎ হেৰাই যাবলৈ ধৰা চাইকেলখনৰ সমাদৰ দেখা যায়৷
Continue Reading
