পৰিত্যক্ত অৱস্থাত মোদীৰ ১৪৪ প্ৰকল্প, অযথা ব্যয় ১৪ হাজাৰ কোটি

ডিজিটেল ডেস্কঃ নৰেন্দ্ৰ মোদী নেতৃত্বাধীন কেন্দ্ৰীয় চৰকাৰে উন্নয়নৰ ফুলজাৰি যিমানেই নামাৰক কিয় দেশৰ বাস্তৱ ছবিখনৰ বিষয়ে দেশবাসী অৱগত৷ শেহতীয়াকৈ নৰেন্দ্ৰ মোদীৰ ব্যৰ্থতাৰ আন এখন ছবি উদঙাইছে দেশৰ পৰিসংখ্যা মন্ত্ৰীয়ে৷ খবৰ অনুসৰি, চলিত বিত্তীয় বৰ্ষত প্ৰায় ১৪৪ টা কেন্দ্ৰীয় আন্তঃগাঁথনি প্ৰকল্প সম্পূৰ্ণ হোৱাত পলম হৈছে আৰু ইয়াৰ মুঠ ব্যয় হৈছে ১৪,৯৬০.০২ কোটি টকা, সোমবাৰে সংসদক এই কথা অৱগত কৰে দেশৰ পৰিসংখ্যা মন্ত্ৰীয়ে৷ চলিত বিত্তীয় বৰ্ষত সম্পূৰ্ণ হোৱাত পলম হোৱাৰ প্ৰতিবেদন দিয়া কেন্দ্ৰীয় আন্তঃগাঁথনি প্ৰকল্পসমূহৰ তালিকা পৰিশিষ্ট-১ত আছে। পৰিসংখ্যা মন্ত্ৰী ৰাও ইন্দ্ৰজিৎ সিঙে ৰাজ্যসভাত এক প্ৰশ্নৰ লিখিত উত্তৰত এই কথা কয় যে, এই সমগ্ৰ ব্যৱস্থাটো চৰকাৰৰ ৰঙা ফিটা মেৰপেচৰ কৱলত পৰি বিলম্ব হৈ ৰ’ল আৰু এইক্ষেত্ৰত মোদী চৰকাৰে কোনো উপযুক্ত পদক্ষেপ গ্ৰহণ নকৰিলে৷

মন্ত্ৰীগৰাকীয়ে উচ্চ সদনক কয় যে, সময় আৰু ব্যয় বৃদ্ধি অবিহনে কেন্দ্ৰীয় খণ্ডৰ আন্তঃগাঁথনি প্ৰকল্পসমূহ সম্পূৰ্ণ হোৱাটো নিশ্চিত কৰাৰ বাবে গ্ৰহণ কৰিবলগীয়া গুৰুত্বপূৰ্ণ পদক্ষেপসমূহৰ ভিতৰত আছে ভিডিঅ’ কনফাৰেন্সৰ জৰিয়তে প্ৰকল্পসমূহ সময়ে সময়ে পৰ্যালোচনা কৰা; কঠোৰ প্ৰকল্প মূল্যাংকণ আৰু অনলাইন কম্পিউটাৰাইজড মনিটৰিং ছিষ্টেমৰ যোগেদি কামৰ খতিয়ান দাঙি ধৰা৷