ডিজিটেল ডেস্কঃ শূন্য ডিগ্ৰীৰ বহু তলত থকা হিমালয়ৰ বৰফৰ মাজত ' অনশন ' অব্যাহত ৰাখিছে পৰিবেশ কৰ্মী সোনম ৱাংচুকে। মানুহৰ নৃশংসতাৰ বাবেই এতিয়া লাডাখৰ প্ৰতি ভাবুকি আহি পৰিছে। প্ৰদূষণে হিমালয়ৰ হিমবাহ সমূহ ধ্বংস কৰি পেলোৱাৰ উপক্ৰম ঘটিছে। এই বিষয়ত সমাজক সচেতন কৰাৰ বাবেই পৰিবেশ কৰ্মীগৰাকীয়ে অনশনত বহিছে।
লাডাখক ধ্বংসৰ পৰা বচাবলৈ পাঁচদিনীয়া 'অনশন 'ত বহা প্ৰখ্যাত পৰিবেশ কৰ্মী সোনম ৱাংচুকে শুকুৰবাৰে আন এটা ভিডিঅ' পোষ্ট কৰি এই বিষয়ত প্ৰধানমন্ত্ৰী মোদীৰ হস্তক্ষেপ কামনা কৰে। ভিডিঅ’টোথ তেওঁ প্ৰধানমন্ত্ৰী নৰেন্দ্ৰ মোদী আৰু সংশ্লিষ্ট কৰ্তৃপক্ষক তেওঁক খাৰদুংলালৈ যাবলৈ অনুমতি দিবলৈ আহ্বান জনায়। উল্লেখ্য খাৰদুংলা প্ৰচণ্ড তুষাৰপাতৰ বাবে বন্ধ কৰি দিয়া হৈছে। তেওঁৰ শেহতীয়া ভিডিঅ'টোত ৱাংচুকে জনাইছে যে প্ৰচণ্ড তুষাৰপাতৰ বাবে আৰু স্থানীয় কৰ্তৃপক্ষৰ অনিচ্ছাৰ বাবে তেওঁক খাৰদুংলালৈ যোৱাৰ অনুমতি দিয়া হোৱা নাই।
পেছাত এজন অভিযন্তা ৱাংচুকে ২.১৬ মিনিট দৈৰ্ঘ্যৰ ভিডিঅ'টো পোষ্ট কৰি নিশ্চিত কৰিছে যে তেওঁ দ্বিতীয় দিনাৰ বাবে উপবাস অব্যাহত ৰাখিছে । তেওঁ কৈছে " খাৰদুংলাৰ আধাৰ দক্ষিণ কুলুত সুৰক্ষা আৰু স্বাস্থ্যকৰ সকলো পৰিবেশ আছে আৰু মোক তালৈ যাবলৈ অনুমতি দিয়া উচিত। মই তেওঁলোকক আনুষ্ঠানিকভাৱে পুনৰ অনুৰোধ জনাইছো যে মোক খাৰদুংলালৈ যাবলৈ অনুমতি দিয়ক," ।
ভিডিঅ'টোৰ জৰিয়তে তেওঁ লাডাখ আৰু মৃত্যুমুখত পৰা হিমালয়ৰ হিমবাহসমূহ জীয়াই ৰখাৰ বাবে তেওঁৰ 'অনশন'ৰ প্ৰতি জনসাধাৰণৰ সমৰ্থনৰ বাবে কৃতজ্ঞতা জ্ঞাপন কৰিছে। তেওঁ কয় যে লাডাখৰ সুৰক্ষা আৰু হিমালয়ৰ হিমবাহক ধ্বংসৰ গৰাহৰ পৰা ৰক্ষা কৰিবলৈ গণ সচেতনতাৰ সৃষ্টি কৰাৰ বাবেই তেওঁ অনশন কৰি আছে।ৱাংচুকে চৰকাৰক ভাৰতীয় সংবিধানৰ ষষ্ঠ অনুসূচীৰ অধীনত অঞ্চলটোৰ সুৰক্ষাৰ বিষয়ে তাৎক্ষণিক আলোচনা কৰিবলৈ হেঁচা দি আহিছে।
Continue Reading
