ডিজিটেল ডেস্কঃ চিকিৎসালয়ে মৃত ঘোষণা কৰা এজন ব্যক্তিয়ে ঘৰত উপস্থিত হোৱাৰ কথাই তীব্ৰ আলোড়ণৰ সৃষ্টি কৰিছে৷পঞ্জাৱৰ নাংগল শ্বহীদ গাঁৱৰ বাসিন্দাসকলে অভিযোগ কৰিছে যে চিকিৎসালয়ে কৈছিল ৰোগীজনক ভেণ্টিলেটৰৰ ৰখা হৈছে আৰু তেওঁৰ মৃত্যু হৈছে৷ কিন্তু লোকজনে ভেণ্টিলেটৰৰ পৰা ওলাই আহি নিজৰ ঘৰত উপস্থিত হয়৷
আনহাতে, চিকিৎসালয়খনৰ চিকিৎসকে অভিযোগসমূহ অস্বীকাৰ কৰি কয় যে যদি ৰোগী এজন ভেণ্টিলেটৰত থাকে, তেন্তে পৃথিৱীৰ কোনো চিকিৎসকে তেওঁক মৃত ঘোষণা কৰিব নোৱাৰে। চিকিৎসালয়ৰ ডাঃ আৰ্শাদে কয় যে যিসকলে ৰোগী বাহাদুৰ সিঙৰ সৈতে আহিছিল তেওঁলোকে তেওঁক কৈছিল যে যদি তেওঁক ভেণ্টিলেটৰত ৰখা হয় তেন্তে তেওঁক মৃত অৱস্থাতহে তাত ৰখা হ’ব।
চিকিৎসকে কৈছে যে যদি পৰিয়ালৰ ওচৰত চিকিৎসকে ৰোগীক মৃত ঘোষণা কৰাৰ কিবা প্ৰমাণ আছে তেন্তে সেয়া দেখুৱাব লাগে৷চিকিৎসকে সগতে কয় যে ৰোগীজনৰ অৱস্থা সংকটজনক হৈ পৰা বাবেই তেওঁক পিজিআইলৈ প্ৰেৰণ কৰিবলৈ কোৱা হৈছিল।
বাহাদুৰ সিঙৰ পত্নীয়ে কয় যে তেওঁৰ স্বামীয়ে কাহত ভুগিছিল । লোকজনক হোচিয়াৰপুৰৰ ৰাম কলনি শিবিৰৰ এখন ব্যক্তিগত চিকিৎসালয়লৈ লৈ যোৱা হৈছিল। চিকিৎসালয় কৰ্তৃপক্ষই তেওঁক চিকিৎসালয়ত ভৰ্তি কৰোৱাই কয় যে তেওঁ এক গুৰুতৰৰোগত আক্ৰান্ত হৈছে ৷ তেওঁলোকে পিছত কয় যে বাহাদুৰ সিঙৰ মৃত্যু হৈছে,সেয়ে তেওঁক লৈ যাব লাগে৷
এখন এম্বুলেন্সেৰে লোক জনক ততাতৈয়াকৈ পিজিআই চণ্ডীগড়লৈ লৈ যোৱা হয় আৰু বাহাদুৰ সিঙক তাত ভৰ্তি কৰোৱা হয়। পিজিআইৰ চিকিৎসকসকলে বাহাদুৰ সিঙক এদিনৰ বাবে ভৰ্তি কৰি ৰাখিছিল আৰু পিছদিনা তেওঁক অব্যাহতি দিছিল। এতিয়া বাহাদুৰ সিঙে তেওঁৰ পঞ্চায়ত আৰু পৰিয়ালৰ সদস্যসকলৰ সৈতে চিকিৎসালয়ৰ বাহিৰত ভুল তথ্য দিয়া বাবে প্ৰতিবাদত বহিছে৷
পৰিয়ালৰ সদস্যসকলে কয় যে মৃত বুলি ঘোষণা কৰা বাহাদুৰ সিঙৰ ডিঙিত এডাল পাইপ সুমুৱাই দিয়া হৈছিল। পিজিআইলৈ যাওঁতে তেওঁ জ্ঞান ঘূৰাই পায় । ডিঙিত পাইপ থকা বাবে তেওঁ কথা ক'ব পৰা নাছিল। ডিঙিৰ পাইপ আঁতৰাই দিয়াৰ পিছত তেওঁ ভালেখিনি সুস্থ হৈ পৰে৷ সিঙৰ পৰিয়ালে চিকিৎসালয়খনৰ বিৰুদ্ধে আইনী ব্যৱস্থা গ্ৰহণ কৰিবলৈ আৰক্ষীৰ ওচৰত এজাহাৰ দাখিল কৰিছে৷
Continue Reading
