ডিজিটেল ডেস্ক: ভয়ংকৰ ধুমুহাই জোকাৰি গ’ল পশ্চিম বংগৰ জলপাইগুৰি৷ জলপাইগুৰি জিলাৰ কিছু অংশত হোৱা ধুমুহাৰ ফলত মৃতকৰ সংখ্যা পাঁচজনলৈ বৃদ্ধি পাইছে বুলি মুখ্যমন্ত্ৰী মমতা বেনাৰ্জীয়ে সদৰী কৰিছে৷ পশ্চিম বংগৰ মুখ্যমন্ত্ৰীগৰাকীয়ে জলপাইগুৰি জিলাত দেওবাৰৰ ধুমুহাত ক্ষতিগ্ৰস্ত লোকসকলক সাক্ষাৎ কৰে৷
এই ধুমুহাৰ ফলত ১০০ৰো অধিক লোক আহত হয়, গছ-গছনি উঘালি পৰে আৰু বৈদ্যুতিক খুঁটা বাগৰি পৰে৷ যাৰ ফলত যাতায়াত ব্যৱস্থাতো আহুকালৰ সন্মুখীন হয় স্থানীয় ৰাইজ৷
দেওবাৰে নিশা ক্ষতিগ্ৰস্ত অঞ্চল পৰিভ্ৰমণ কৰিবলৈ অহা মুখ্যমন্ত্ৰীগৰাকীয়ে জনসাধাৰণক প্ৰশাসনৰ পৰা সকলো ধৰণৰ সহায়ৰ আশ্বাস প্ৰদান কৰে৷
আনহাতে, প্ৰধানমন্ত্ৰী মোদীয়েও উত্তৰ বংগত ধুমুহাৰ ফলত প্ৰাণ হেৰুওৱা লোকৰ প্ৰতি শোক প্ৰকাশ কৰিছে আৰু ক্ষতিগ্ৰস্ত লোকসকলক সহায় কৰিবলৈ বিষয়াসকলক নিৰ্দেশ দিছে৷
জিলাখনৰ আটাইতকৈ বেছি ক্ষতিগ্ৰস্ত অঞ্চলবোৰৰ ভিতৰত আছিল ৰাজাৰহাট, বৰনিশ, বকালী, যোৰপাকদি, মাধাবদঙ্গা আৰু সাপ্তিবাৰী৷ বিষয়াসকলে কয় যে এই ধুমুহাৰ ফলত কেইবা একৰ কৃষিভূমি আৰু শস্যৰ ক্ষতি হৈছে।
Continue Reading
