ডিজিটেল ডেস্কঃ ২০০০ চনত সৌন্দৰ্য্য প্ৰতিযোগিতাত অংশগ্ৰহণ। মিছ ৱৰ্ল্ডৰ খিতাপ লাভ। ইয়াৰ পিছত বলীউড, বহু যাত্ৰাৰ অন্তত এতিয়া হলিউড। প্ৰিয়ংকা চোপ্ৰা এতিয়া হলিউডৰ অন্যতম হট তাৰকা। তেওঁ বলীউড এৰি প্ৰায় দহ বছৰ আগতে আমেৰিকালৈ গুচি যায়। বহুতে অৱশ্যে তেওঁক অভিলাষী বুলি কয়।
অৱশ্যে প্ৰিয়ংকাই বিৰোধীসকলৰ কথাৰ প্ৰতি কোনো গুৰুত্ব নিদিয়ে। প্ৰচণ্ড আত্মবিশ্বাসী তেওঁ। কিন্তু এই জেদী প্ৰিয়ংকাইও এবাৰ প্ৰথমখন ছবিৰ চুক্তিত স্বাক্ষৰ কৰোতে চকুলো টুকিছিল।
প্ৰিয়ংকাৰ অভিনয়ৰ কোনো আনুষ্ঠানিক শিক্ষা নাই। তেওঁ নাচিবও নাজানিছিল। ২০০৩ চনত তেওঁ প্ৰথমবাৰৰ বাবে বলীউডত ভৰি দিয়ে তেওঁ। ‘আন্দজ’ অভিনেত্ৰীগৰাকীৰ প্ৰথমখন হিন্দী ছবি। ছৱিৰ চুক্তিত স্বাক্ষৰ কৰাৰ সময়ত বহু কান্দিছিল অভিনেত্ৰীগৰাকীয়ে।
প্ৰিয়ংকাৰ মাতৃ মধু চোপ্ৰাই এই কথা সোঁৱৰণ কৰে। তেওঁৰ ভাষাত- "মিছ ইউনিভাৰ্ছৰ খিতাপ দখল কৰি প্ৰিয়ংকাই উচ্চ শিক্ষাৰ বাবে বিদেশলৈ যাব বিচাৰিছিল। কিন্তু মই আৰু দেউতাকে ক’লোঁ যে এখন ছৱিত অভিনয় কৰিলে কোনো ক্ষতি নহয়। ভাল নালাগিলে পিছত কৰিব নালাগে। কিন্তু ভাগ্যই লিখিছে, প্ৰথমখন ছবিৰ পিছতে তাই কেমেৰাৰ প্ৰেমত পৰিছিল।’’
Continue Reading
