ডিজিটেল ডেস্কঃ তেওঁৰ অন্তিম এলবামটো ২০১৬ চনত মুক্তি দিয়া হৈছিল। তাৰ পিছত প্ৰায় ছয় বছৰৰ দীঘলীয়া বিৰতি হৈছিল। য়’ য়’ হানি সিঙে এই বছৰ এটা নতুন এলবাম মুকলি কৰিবলৈ উলাইছে। ইয়াৰ মাজৰ ছয় বছৰ কেনেকুৱা আছিল? জনপ্ৰিয় ৰেপাৰ হানি সিঙে এই বিষয়ে আশ্চৰ্যজনক ভাষ্য আগবঢ়াইছে।
যোৱা কেইবছৰমান তেওঁ মানসিক স্বাস্থ্যৰ সৈতে যুঁজি আহিছে। "মোৰ এটা মানসিক ৰোগ আছিল,"- হানিয়ে এটা সাক্ষাৎকাৰত মন্তব্য কৰিছিল। কেৱল হতাশাই নহয়, কিন্তু তেওঁ মানসিক বাইপোলাৰ বিকাৰত ভুগি আছিল।
"প্ৰতিনিশা মই মৃত্যুকামনা কৰিছিলো। ৰোগটো বুজিবলৈ প্ৰায় দুবছৰ সময় লাগিছিল। তাৰ পিছত, সঠিক চিকিৎসা কৰিবলৈ আৰু তিনি বছৰ সময় লাগিল।’’- হানিয়ে কৈছিল। মায়ানাগৰীৰ জনপ্ৰিয় ৰেপাৰজনে তেওঁৰ ভয়ংকৰ অভিজ্ঞতাৰ কথা মনত পেলাই কয়- "মোৰ শত্ৰুসকলৰো কেতিয়াও যাতে এনে ৰোগ নহয়।’’
মানসিক ৰোগৰ বাবে টোপনি হেৰুৱাইছিল হানি সিঙে। মানসিক ভাৰসাম্যও হেৰুৱাইছিল। আনকি তেওঁ নিজৰ আচৰণতে অস্বস্তি অনুভৱ কৰিছিল। সেইবাবেই হানি সিঙে লাইমলাইটৰ পৰা আঁতৰি গৈছিল।
ডিচেম্বৰ মাহতে হানিয়ে ছ'চিয়েল মিডিয়াত নতুন এলবাম (হানি সিং 3.0) ঘোষণা কৰে। এই এলবামটো এই বছৰ মুক্তি পাব। তেওঁৰ নিজৰ এলবামৰ উপৰিও হানিয়ে বলীউডত কেইবাখনো চলচ্চিত্ৰৰ গীতৰ কাম কৰি আছে।
Continue Reading
