পৰত থকা কপৌ চৰাইৰ ষ্টীকাৰটো আঁতৰাব লগা হ’ল। ইয়াৰ পূৰ্বে ইজৰাইল-হামাছ যুদ্ধৰ প্ৰতিবাদ কৰাৰ বাবে অষ্ট্ৰেলিয়াৰ অ’পেনিং বেটছমেনগৰাকীয়ে আন্তঃৰাষ্ট্ৰীয় ক্ৰিকেট পৰিষদৰ শাস্তিৰ সন্মুখীন হ’বলগীয়া হৈছিল।
নিউজিলেণ্ডৰ বিৰুদ্ধে ৱেলিংটন টেষ্টত খোৱাজাই নিজৰ বেটত জলপাই গছৰ ডাল ধৰি থকা কপৌৰ ষ্টীকাৰ লগাইছিল। মেচৰ তৃতীয় দিনা তেওঁ আঁতৰাব লগা হৈছিল সেই মানৱ অধিকাৰৰ ষ্টীকাৰ।যুদ্ধবিধ্বস্ত গাজাৰ বাসিন্দাসকলৰ কাষত থিয় হৈ তেওঁলোকৰ মানৱ অধিকাৰ সুৰক্ষিত কৰাৰ বাৰ্তা প্ৰেৰণ কৰিবলৈ খোৱাজাই বেটখনত ষ্টীকাৰটো লগাইছিল। এইবাৰো আই চি চিয়ে তেওঁক ষ্টীকাৰ খুলিবলৈ বাধ্য কৰালে। তেওঁক জনোৱা হৈছিল যে আন্তঃৰাষ্ট্ৰীয় ক্ৰিকেটত ৰাজনৈতিক অৰ্থবোধক কোনো বাৰ্তা দিব নোৱাৰি।
অষ্ট্ৰেলিয়াৰ কুইন্সলেণ্ডৰ হৈ ঘৰুৱা ক্ৰিকেট খেলি থাকোঁতে তেওঁ বেটত কপৌৰ ষ্টীকাৰ লৈ খেলিছিল। আইচিচিয়ে কোনো আপত্তি কৰা নাছিল। কিন্তু আন্তঃৰাষ্ট্ৰীয় ক্ৰিকেট সন্দৰ্ভত আই চি চিৰ আপত্তি আছে। খোৱাজাই ইতিমধ্যে আপত্তিটোৰ কথা জানিছিল। অৱশ্যে নিউজিলেণ্ডৰ প্ৰথম ইনিংছত বেটৰ পৰা ষ্টীকাৰ আঁতৰাই নিদিয়াকৈ খেলপথাৰত আছিল খোৱাজা। কিন্তু দ্বিতীয় ইনিংছত বেটিং কৰিবলৈ নামি অহাৰ আগতে সেই ষ্টীকাৰটো আঁতৰাই পেলাব লগা হৈছিল।
অৱশ্যে ক্ৰিকেট অষ্ট্ৰেলিয়া (সেই দেশৰ ক্ৰিকেট ব’ৰ্ড) খোৱাজাৰ পক্ষত আছে। অৱশ্যে মুখ্য কাৰ্যবাহী নিক হকলিয়ে কয়, “কপৌটো শান্তিৰ এক বিশ্বজনীন স্বীকৃতিপ্ৰাপ্ত প্ৰতীক। অৱশ্যে তেওঁলোকৰ নিয়মাৱলী স্পষ্ট কৰি দিছে আইচিচিয়ে। আমি সেইটোক সন্মান কৰিব বিচাৰো।’
Continue Reading
