ডিজিটেল ডেস্কঃ প্ৰায় মানুহেই সন্তানৰ নামত সা-সম্পত্তি এৰি থৈ যায়। কিন্তু এগৰাকী মহিলাই এনেকুৱা কাম কৰিলে যিটো এতিয়া সমগ্ৰ বিশ্বতে ছ’চিয়েল মিডিয়াৰ জৰিয়তে চৰ্চা চলি আছে। এই মহিলাগৰাকীয়ে নিজৰ পোহনীয়া কুকুৰ-মেকুৰীক কোটি কোটি মূল্যৰ সম্পত্তি দিছে, আনহাতে সন্তানক এটকাও নিদিলে। কিন্তু যেতিয়া আপুনি মহিলাগৰাকীয়ে এই কাম কৰাৰ কাৰণ জানিব তেতিয়া আপুনিও তেওঁৰ প্ৰশংসা কৰিব।
এই চাঞ্চল্যকৰ ঘটনাটো চীনৰ চাংহাইৰ। ইয়াত লিউ নামৰ এগৰাকী বৃদ্ধাই নিজৰ সন্তানক শিক্ষা দিবলৈ ২৩ কোটিতকৈও অধিক মূল্যৰ সম্পত্তি নিজৰ পোহনীয়া কুকুৰ-মেকুৰীলৈ হস্তান্তৰ কৰিলে। তেওঁৰ ল’ৰা-ছোৱালীয়ে কেতিয়াও তেওঁক লগ কৰিবলৈ অহা নাছিল, সেই কথাত লিউৰ বহুত খং উঠিছিল। তেওঁৰ সন্তানে আনকি ফোনতো তেওঁৰ লগত কথা পতা নাছিল। এই কাৰণতে তেওঁ নিজৰ উইল সলনি কৰাৰ সিদ্ধান্ত লৈ গোটেই সম্পত্তি পোহনীয়া জন্তুৰ নামত এৰি থৈ যায়।
তথ্য অনুসৰি জীৱ-জন্তুৰ নামত উইল কৰি থৈ যাবলৈ চীনত কোনো আইন নাই। এনে পৰিস্থিতিত কৰ্তৃপক্ষৰ পৰামৰ্শ মতে লিউৱে নিজৰ উইলখন স্থানীয় পশু চিকিৎসালয় এখনৰ নামত কৰি থৈ যায়, যিয়ে তেওঁৰ পোহনীয়া জন্তুৰ যত্ন ল’ব।
Continue Reading
