ডিজিটেল ডেস্কঃ বলীউডৰ অভিনেতা বিক্ৰান্ত মেছিয়ে ৭ ফেব্ৰুৱাৰীত পিতৃত্বৰ গৌৰৱ লাভ কৰে। শিশুটিৰ জন্মৰ প্ৰায় দুসপ্তাহৰ পাছত বিক্ৰান্তে পুত্ৰৰ ছবিখন মুকলি কৰি দিয়ে। একে সময়তে পুত্ৰৰ নাম কি সেই কথাও সদৰী কৰে। শুকুৰবাৰে নিশা বিক্ৰান্তে দুখন ছবিৰ কোলাজ পোষ্ট কৰে। এখন ছবিত বিক্ৰান্তই তেওঁৰ পত্নী শীতল ঠাকুৰ আৰু তেওঁলোকৰ একমাত্ৰ সন্তানক ধৰি আছে। আনখন ছবিত পুত্ৰৰ নাম উল্লেখ কৰা পৰিলক্ষিত হৈছে৷
নৱজাতকৰ মুখখন ছবিখনত স্পষ্ট নহয়। মাকৰ বুকুত পুতি থোৱা আছে একৰাটী। দুয়োজন পিতৃ-মাতৃয়ে পুত্ৰৰ ফালে চাই আছে। পুত্ৰৰ নাম ৰখা হৈছে ‘বৰদান’। ই মূলতঃ হিন্দী শব্দ। যাৰ অৰ্থ আশীৰ্বাদ। '12th ফেইল'ত বিক্ৰান্তৰ অভিনয়ৰ ইতিমধ্যে শলাগ লোৱা হৈছে। বিক্ৰান্তৰ কেৰিয়াৰৰ অন্যতম সফল চিনেমাৰ নাম '12th ফেইল'। দৰ্শকৰ মৰম, উৎসাহ, কামনা আৰু আশীৰ্বাদেৰে বছৰটোৰ আৰম্ভণি কৰিছিল বিক্ৰান্তে। ‘12th ফেইল’ৰ সফলতাৰ ধাৰা এতিয়াও ম্লান হোৱা নাই।
'12th ফেইল'ৰ বিপুল সফলতাৰ পাছত বিক্ৰান্তে এক সাক্ষাৎকাৰত কয়, "ভগৱানৰ আশীৰ্বাদ অবিহনে এইটো সম্ভৱ নহ'লহেঁতেন।মই প্ৰকৃতিৰ প্ৰতি কৃতজ্ঞ।''
Continue Reading
