ৰূপহীহাটত মহিলাৰ ৰহস্যজনক মৃত্যু! শুৱাপাটীত মৃত অৱস্থাত উদ্ধাৰ

ডিজিটেল ডেস্ক: ৰূপহীহাটৰ ৫নং কাঠপাৰাত এগৰাকী মহিলাৰ ৰহস্যজনক মৃত্যু। দুই সন্তানক লগত লৈ নিশা শুই আছিল মহিলাগৰাকী।

নিশা শুৱাপাটীত মৃত অৱস্থাতে প্ৰত্যক্ষ কৰে জাহানাৰা বেগম নামৰ মহিলাগৰাকীক। সমগ্ৰ ঘটনা সন্দৰ্ভত আমবাগান আৰক্ষীক অৱগত কৰে পৰিয়ালৰ লোকে। 

ঘটনাস্থলীত আৰক্ষী উপস্থিত হৈ তদন্ত আৰম্ভ কৰাৰ লগতে মৃত মহিলাগৰাকীৰ ডিঙিত আঘাতৰ চিন স্পষ্টভাৱে প্ৰত্যক্ষ কৰে। 

নিজ মাতৃগৃহত মৃত মহিলাগৰাকীক প্ৰত্যক্ষ কৰি সমগ্ৰ অঞ্চলত চাঞ্চল্য বিৰাজ কৰিছে। মহিলাগৰাকীৰ মৃত্যুৰ কাৰণ এতিয়াও পোহৰলৈ অহা নাই।  

কিন্তু ঘটনাস্থলীৰ পৰা সন্দেহৰ ভিত্তিত আবু ছুফিয়ান নামৰ এজন যুৱকক আটক কৰে আৰক্ষীয়ে।

ঘটনাস্থলীত ৰূপহীহাট আৰু আমবাগান আৰক্ষী উপস্থিত হৈ তদন্ত অব্যাহত ৰখাৰ লগতে কলিয়াবৰ সমজিলা আৰক্ষী অধীক্ষক উপস্থিত হয় 

উল্লেখ্য যে মৃত মহিলাগৰাকীৰ স্বামী কৰ্মসূত্ৰে কেলেৰাত থাকে।