সাৱধান ! পোহনীয়া মেকুৰীয়ে জ্বলালে হাজাৰ গৃহ

ডিজিটেল ডেস্ক : বৰ্তমান সময়ত প্ৰত্যেকৰ ঘৰতে জীৱ-জন্তু পোহাটো এক ফেশ্বন হৈ পৰিছে৷ কুকুৰ-মেকুৰী, চৰাইৰ পৰা আৰম্ভ কৰি বাঘ, ঘোঁৰাও পোহনীয়া জন্তুৰ তালিকাত অন্তৰ্ভুক্ত হৈ পৰিছে৷ কিন্তু এই পোহনীয়া জীৱ-জন্তুৰ পৰা আপুনি সাৱধান হ'বৰ হ'ল৷ নহ'লে ভয়ংকৰ বিপদৰ সন্মুখীন হ'ব পাৰে আপুনি৷ বিশেষকৈ মেকুৰী ভাল পোৱা তথা পোহা ব্যক্তিসকলে অধিক সাৱধানতা অৱলম্বন কৰাটো যথেষ্ট গুৰুত্বপূৰ্ণ হৈছে৷ জানিব পৰা মতে এই পোহনীয়া মেকুৰীৰ দ্বাৰাই দক্ষিণ কোৰিয়াত সংঘটিত হৈছে বহু অগ্নিকাণ্ডৰ ঘটনা৷

উল্লেখ্য যে যোৱা তিনি বছৰত দক্ষিণ কোৰিয়াত পোহনীয়া মেকুৰীৰ দ্বাৰা ১০০টাকৈ অধিক ঘৰত অগ্নিকাণ্ডৰ ঘটনা সংঘটিত হৈছে৷ ইয়াৰ সমান্তৰালকৈ প্ৰত্যেক বছৰে আমেৰিকা যুক্তৰাষ্ট্ৰত ১,০০০ ঘৰত অগ্নিকাণ্ডৰ ঘটনা সংঘটিত হৈছে৷ এই তথ্য প্ৰকাশ কৰিছে আমেৰিকান হিউমেন এছ'চিয়েচনে৷

ভাৰততো বলীউড তাৰকাৰ পৰা আৰম্ভ কৰি সাধাৰণ লোকলৈকে বহুতৰ ঘৰত মেকুৰী পোহা দেখিবলৈ পোৱা যায়৷ প্ৰায় লাখ টকাৰ মূল্য চুৱেগৈ এটা উন্নত জাতৰ মেকুৰীয়ে৷ এটা বিলাতী মেকুৰী কিনি ইয়াৰ পালন-পালনতে ব্যয় হয় লক্ষাধিক টকাৰ৷ কিন্তু এই পোহনীয়া জন্তুৰ পালনত অলপ অসাৱধান হ'লেই পৰিব পাৰে ভয়ংকৰ বিপদত৷