ডিজিটেল ডেস্ক: নয়ডাত স্কুটীত হোলী খেলি থকা কেইগৰাকীমান যুৱতীৰ এটা ভিডিঅ’ ছচিয়েল মিডিয়াত ভাইৰেল হৈ পৰিছে৷ য’ত ট্ৰেফিক আইন উলংঘা কৰা বাবে যান-বাহন আৰক্ষীয়ে তেওঁলোকক ৩৩,০০০ টকাৰ জৰিমনা বিহিছে। একেসময়তে, নয়ডা আৰক্ষীয়ে তেওঁলোকৰ বিৰুদ্ধে অশ্লীলতা বিয়পোৱাৰ বাবে এটা গোচৰ ৰুজু কৰিছে। নয়ডা আৰক্ষীয়ে তিনিগৰাকী যুৱক-যুৱতীক গ্ৰেপ্তাৰ কৰিছে।
নয়ডা আৰক্ষীয়ে প্ৰীতি, বিনীতা আৰু পীযূষক গ্ৰেপ্তাৰ কৰে, যিয়ে চেক্টৰ ১৫ মেট্ৰ’ ষ্টেচনৰ ওচৰত ভিডিঅ‘টো শ্বুট কৰিছিল। হোলীৰ নামত তেওঁলোক তিনিওজনে চেক্টৰ ৭৮ত-ত এটা অশালীন ভিডিঅ' প্ৰস্তুত কৰিছিল৷
ইয়াৰ পাছত আৰক্ষীয়ে আইপিচিৰ ২৭৯, ২৯০, ২৯৪, ৩৩৬, ৩৩৭ ধাৰাৰ অধীনত এখন এজাহাৰ পঞ্জীয়ন কৰিছিল। তেওঁলোকক আজি দণ্ডাধীশৰ সন্মুখত হাজিৰ কৰোৱা হয়৷
যুৱতীকেইগৰাকীয়ে স্কুটিত অশ্লীলভাৱে হোলী খেলি থকাৰ ভিডিঅ’ হোলীৰ দিনা ভাইৰেল হৈছিল। দেখা গৈছিল যে পীযূষ নামৰ এজন যুৱকে স্কুটী চলাই আছিল, আনহাতে দুগৰাকী যুৱতী পিছফালে বহি আছিল আৰু ইজনে-সিজনক অশ্লীলভাৱে ৰং সানিছিল৷
Continue Reading
