ডিজিটেল ডেস্কঃ মহাৰাষ্ট্ৰৰ ৰাজধানী মুম্বাইত অনুষ্ঠিত হ’বলগীয়া I.N.D.I.Aৰ বৈঠকত অংশগ্ৰহণ কৰিব আম আদমী পাৰ্টীয়ে। এই কথা নিশ্চিত কৰিছে আপৰ আহ্বায়ক তথা দিল্লীৰ মুখ্যমন্ত্ৰী অৰবিন্দ কেজৰিৱালে।
সাংবাদিকৰ সৈতে কথা পাতি তেওঁ কয় যে হয়, আমি মুম্বাইলৈ যাম আৰু যি কৌশল গ্ৰহণ কৰা হ’ব সেই বিষয়ে অৱগত কৰা হ’ব। এই বৈঠক ৩১ আগষ্ট আৰু ১ ছেপ্টেম্বৰত মুম্বাইত অনুষ্ঠিত হ’ব। বহু বিষয়ত অৰবিন্দ কেজৰিৱাল আৰু কংগ্ৰেছৰ মাজত মতানৈক্য দেখাৰ পাছত তেওঁ সভাত উপস্থিত থাকিব নে নাই তাত সন্দেহৰ সৃষ্টি হৈছিল। এতিয়া পৰিস্থিতি স্পষ্ট হৈ পৰিছে যে এই বৈঠকত মুখ্যমন্ত্ৰী কেজৰিৱালে অংশগ্ৰহণ কৰিবলৈ ওলাইছে।
মুম্বাইত অনুষ্ঠিত হ’বলগীয়া ইণ্ডিয়া মিত্ৰজোঁটৰ তৃতীয়খন বৈঠকত ২৬টাতকৈও অধিক ৰাজনৈতিক দলৰ প্ৰায় ৮০জন নেতাই অংশগ্ৰহণ কৰাৰ সম্ভাৱনা আছে। বৰ্তমান ২৬টা দল মিত্ৰতা গোটৰ অংশ আৰু দুদিনীয়া বৈঠকত আৰু কিছু দলে মিত্ৰতাত যোগদান কৰিবলৈ সাজু হৈছে। এই বৈঠকত মিত্ৰজোঁটৰ ল’গ’ উন্মোচন হোৱাৰ সম্ভাৱনা আছে।ইয়াৰ উপৰিও কেজৰিৱালে ঠিকাভিত্তিক কৰ্মচাৰীসকলক নিয়মীয়া কৰাৰ কথাও ঘোষণা কৰে।
Continue Reading
