ডিজিটেল ডেস্কঃ মালয়েছিয়াৰ শক্তিশালী বলাৰ ছিয়াজৰুল ইড্ৰ’ছে টি-২০ ক্ৰিকেটত এক নতুন বিশ্ব অভিলেখ গঢ়িলে। ক্ৰিকেটৰ আটাইতকৈ চুটি ফৰ্মেটত প্ৰথম বলাৰ হিচাপে তেওঁ এটা ইনিংছত ৭টা উইকেট দখল কৰে। কুৱালালামপুৰত অনুষ্ঠিত টি-২০ বিশ্বকাপ এছিয়া বি কোৱালিফায়াৰত চীনৰ বিৰুদ্ধে তেওঁ এই কৃতিত্ব অৰ্জন কৰে। সাতজন বেটছমেনক তেওঁ আউট কৰে।
ইদ্ৰুছে পিটাৰ আহোৰ নজিৰ ভংগ কৰিলে। ইমান দিনে টি-২০ত শ্ৰেষ্ঠ বলিঙৰ উদাহৰণ আছিল এই নাইজেৰিয়ান বলাৰৰ। ২০২১ চনত ছিয়েৰা লিয়নৰ বিৰুদ্ধে ৫ ৰানত ৬ উইকেট দখল কৰিছিল। ইদ্ৰুছে সেই নজিৰ ভংগ কৰিলে। ভাৰতৰ দীপক চহৰে ২০১৯ চনত বাংলাদেশৰ বিৰুদ্ধে ৭ ৰানত ৬ টা উইকেট দখল কৰিছিল।
টছ আৰু বেটিংত জয়ী হোৱাৰ পাছত চীনে ৪ অভাৰত কোনো উইকেট নেহেৰুৱাকৈ ১২ ৰান সংগ্ৰহ কৰে। তেতিয়াৰ পৰাই ইদ্ৰুছে উইকেট ল’বলৈ আৰম্ভ কৰে। দ্বিতীয় অভাৰৰ প্ৰথম বলত তেওঁ ৱাং লিউয়াঙক আউট কৰে। একেটা অভাৰতে আৰু তিনিটা উইকেট দখল কৰে। পৰৱৰ্তী অভাৰত পাঁচটা উইকেট।
ইদ্ৰুছে শেষৰ মেইডেন অভাৰত দুটা উইকেট লাভ কৰে। তেওঁৰ বলিং স্পেল এনে ধৰণৰ: ৪-১-৮-৭। ৯ অভাৰৰ শেষত চীনৰ স্ক’ৰ ৯ উইকেটত ২০ ৰান হয়। বিজয় উন্নিৰ বলত লুয়ো শ্বিলিন আউট হোৱাৰ পাছতে ২৩ ৰানত অল আউট হয় চীন। ইয়াৰ প্ৰত্যুত্তৰত মালয়েছিয়াই ২টা উইকেট হেৰুৱাই বিজয়ী ৰান দখল কৰে।
Continue Reading
