ডিজিটেল ডেস্কঃ ১৩ দিনৰ ভিতৰতে দুজনকৈ পাকিস্তানী বেটাৰে দ্বিশতক অৰ্জন কৰিছে। শ্ৰীলংকাৰ বিৰুদ্ধে চলিত টেষ্ট শৃংখলাৰ প্ৰথমখন খেলত পাকিস্তানৰ হৈ দ্বিশতক অৰ্জন কৰিছিল ছৌদ শ্বাকিলে। এইবাৰ দ্বিতীয়খন মেচত অ’পেনাৰ আব্দুল্লা ছফিকে ২০০ ৰান অতিক্ৰম কৰে। শ্ৰীলংকাৰ বিৰুদ্ধে ডাঙৰ ইনিংছ খেলে তেওঁ।
শ্ৰীলংকাই দ্বিতীয় টেষ্টৰ প্ৰথম ইনিংছত ১৬৬ ৰান সংগ্ৰহ কৰে। ইয়াৰ প্ৰতিক্ৰিয়া স্বৰূপে পাকিস্তানে ৪০০ ৰান অতিক্ৰম কৰিছে। ইয়াৰ পূৰ্বে আব্দুল্লাৰ সৰ্বোচ্চ ৰাণ আছিল ১৬০। ১৪ তম টেষ্ট খেলি আছে তেওঁ। ইয়াৰ আগতে তেওঁৰ তিনিটা শতকীয় ইনিংছ আছিল। ২০২১ চনত তেওঁ অভিষেক ঘটায়।
আব্দুল্লাৰ জন্ম হৈছিল পাকিস্তানৰ ছিয়ালকোটত। পাকিস্তানৰ হৈ আব্দুল্লাই তিনিখন এদিনীয়া আৰু ৬টা টি-২০ মেচ খেলিছিল। অৱশ্যে সীমিত অভাৰৰ ক্ৰিকেটত তেওঁ সেই সফলতা লাভ কৰা নাই।
পাকিস্তানৰ হৈ দ্বিশতকৰ তালিকাত ২৪ নম্বৰ স্থানত আছে আব্দুল্লা। সেই দেশৰ পৰা তেওঁ দুটা শতক অৰ্জন কৰা সপ্তমটো অ’পেনাৰ। পাকিস্তানৰ ইউনিছ খান আৰু জাভেদ মিয়ান্দাদৰ নামত আছে আটাইতকৈ বেছি দ্বিশতক। তেওঁলোকৰ ছয়টাকৈ দ্বি শতক আছে।
Continue Reading
