ডিজিটেল ডেস্ক: বলীউডৰ বিখ্যাত অভিনেত্ৰী শ্ৰীদেৱীয়ে পাঁচ বছৰ পূৰ্বে বিশ্ববাসীৰ পৰা বিদায় লৈছিল। অভিনয়েৰে বলীউডত উন্নত স্থান লাভ কৰিছিল অভিনেত্ৰীগৰাকীয়ে। পূৰ্বে শীৰ্ষ অভিনেত্ৰীৰ তালিকাত আছিল আছিল শ্ৰীদেৱী। শ্ৰীদেৱীয়ে বনী কাপুৰৰ সৈতে বিবাহপাশত আবদ্ধ হৈছিল আৰু তেওঁলোকৰ দুগৰাকী কন্যা সন্তান আছে। শেহতীয়াকৈ শ্ৰীদেৱীৰ কন্যা জাহ্নৱী কাপুৰে তেওঁক স্মৰণ কৰি ইনষ্টাগ্ৰামত এটা পোষ্ট শ্বেয়াৰ কৰিছে।
অভিনেত্ৰী জাহ্নৱী কাপুৰে নিজৰ ইনষ্টাগ্ৰাম একাউণ্টত এটা পোষ্ট শ্বেয়াৰ কৰিছে। ইয়াত তেওঁ লিখিছে, ‘মা, মই এতিয়াও তোমাক সকলোতে বিচাৰো। এতিয়াও মই সকলো কাম কৰিছো যিবোৰক লৈ তুমি মোৰ বাবে গৌৰৱান্বিত হ'ব পাৰা। মই য’তেই যাওঁ, যিয়েই নকৰোঁ, সেয়া তোমাৰ পৰাই আৰম্ভ হয় আৰু তোমাৰ পৰাই শেষ হয়।' জাহ্নৱী এই পোষ্টটোত বলীউডৰ বহু অভিনেতাই মন্তব্য কৰে। অভিনেতা ৰিতেশ দেশমুখ, বলীউডৰ ডিজাইনাৰ মনীষ মালহোত্ৰা, অভিনেত্ৰী ৰাকুল প্ৰীত, কৰণ জোহৰ, আঠিয়া শেট্টীৰ পৰা বৰুণ ধাৱনেও মন্তব্য কৰে।
তাৎপৰ্যপূৰ্ণভাৱে শ্ৰীদেৱীৰ মৃত্যুৰ পাঁচ বছৰ হ’ল, যাৰ ওপৰত তেওঁৰ স্বামী বনী কাপুৰেও ইনষ্টাগ্ৰামত এটা পোষ্ট শ্বেয়াৰ কৰে। শ্ৰীদেৱীৰ ছবি শ্বেয়াৰ কৰি তেওঁ কেপচনত লিখিছে, 'আপুনি আমাক ৫ বছৰ আগতে এৰি থৈ গৈছিল.. আপোনাৰ মৰম আৰু স্মৃতি সদায় আমাৰ লগত থাকিব।'
২০১৮ চনত ২৪ ফেব্ৰুৱাৰীত শ্ৰীদেৱীৰ মৃত্যু হয়। সেই সময়ছোৱাত তেওঁ ডুবাইত আছিল। এখন বিয়াত অংশগ্ৰহণ কৰিবলৈ তেওঁ ডুবাইলৈ গৈছিল। খবৰ অনুসৰি হোটেলৰ কোঠাৰ বাথটাবত তেওঁক উদ্ধাৰ কৰা হয়, য’ত শ্বাসৰুদ্ধ হৈ মৃত্যু হয়। শ্ৰীদেৱীক শেষবাৰৰ বাবে দেখা গৈছিল মম ছবিত।
Continue Reading
