ডিজিটেল ডেস্কঃ শেহতীয়াকৈ বলীউডৰ প্ৰবীণ অভিনেতা সৌৰভ শুক্লাই এক সাক্ষাৎকাৰত কয় যে অভিনেতা ৰণবীৰ কাপুৰে তেওঁক এবাৰ দামী সুৰা পান কৰাইছিল। লাডাখৰ লেহত এখন ছবিৰ শ্বুটিং কৰি থাকোতে এই সৌভাগ্য হৈছিল শুক্লাৰ।
শুক্লাক সোধা হৈছিল যে তেওঁ কি মদ খাই ভাল পায়। অভিনেতাজনে উত্তৰ দিলে- “ৰাম এণ্ড ক’ক।” সৌৰভে কয় যে তেওঁ অল্ড মংক বেছি পছন্দ কৰে কাৰণ ই সস্তা।
তেওঁ কৈ যায়- "মই বহুমূলীয়া ৰামো খাই পাইছো। এটা ৩০ হাজাৰ টকীয়া ৰাম খুৱাইছিল ৰণবীৰ কাপুৰে।’’
সৌৰভে ক’লে, “ৰণবীৰে নিজেও মদ খাইছিল। লেহত ৰণবীৰে মোক সুধিলে কি মদ মই নিম। মই অ’ল্ড মংকৰ কথা ক’লোঁ৷ ৰণবীৰে মোক ভাল কিবা এটা খাবলৈ দিব বুলি ক’লে। আমি দুয়োজনে একেলগে মদটো খাইছিলো।’’
ৰণবীৰৰ সৈতে বহু ছবিত অভিনয় কৰিছে তেওঁ। সেই তালিকাত আছে ‘জগ্গা জাছুছ’, ‘শ্বামছেৰা’ৰ দৰে ছবি। বৰ্ষীয়ান অভিনেতাজনে বলিউডৰ বহুকেইখন জনপ্ৰিয় ছৱিত অভিনয় কৰাৰ উপৰিও ৰাষ্ট্ৰীয় সন্মানো লাভ কৰিবলৈ সক্ষম হৈছিল।
Continue Reading
