শৰীৰত কি গ্ৰুপৰ তেজ থাকিলে ষ্ট্ৰোকৰ আশংকা বেছি হয়? গৱেষণাত ওলাইছে গুৰুত্বপূৰ্ণ তথ্য

চিকিৎসা বিজ্ঞান সম্পৰ্কীয়  আলোচনী নিউৰোলজীত প্ৰকাশিত এখন নিবন্ধত  এই বিষয়ত  আলোকপাত কৰা হৈছে। সেই নিবন্ধত আমেৰিকা যুক্তৰাষ্ট্ৰৰ মেৰিলেণ্ড বিশ্ববিদ্যালয়ৰ স্কুল অফ মেডিচিন (ইউএমএছঅ'এম)ৰ গৱেষকসকলে দাবী কৰিছে  যে ৬০ বছৰৰ তলৰ লোকসকলৰ ক্ষেত্ৰত গ্ৰুপ  'এ' তেজ থাকিলে ষ্ট্ৰোকৰ আশংকা সৰ্বাধিক হয়। আনহাতে, যিসকলৰ তেজৰ গ্ৰুপ  'অ' ,  তেওঁলোকৰ বিপদাশংকা আটাইতকৈ কম।গৱেষকসকলে ষ্ট্ৰোক আক্ৰান্ত হোৱা প্ৰায় ১৭,০০০ ৰোগীৰ ওপৰত ৪৮  প্ৰকাৰৰ জিন পৰীক্ষা কৰিছিল। সকলো অংশগ্ৰহণকাৰীৰ বয়স ১৮ ৰ পৰা ৫৯ বছৰৰ ভিতৰত আছিল। ইয়াত দেখা গৈছিল যে ৬০ বছৰৰ তলৰ লোক যাৰ তেজৰ গ্ৰুপ  'এ' হ’লে  তেওঁলোকৰ ষ্ট্ৰোকত আক্ৰান্ত হোৱাৰ সম্ভাৱনা ১৬ শতাংশ বেছি হয়। আনহাতে, 'অ' গ্ৰুপৰ  বাবে ষ্ট্ৰোকৰ আশংকা ১২  শতাংশ কম কম।

কিন্তু এই বিপদাশংকা কিয় বেলেগ বেলেগ হয়? নিবন্ধটোৰ অন্যতম লেখক নিউৰোলজিষ্ট ষ্টিভেন কিটনাৰে কৈছে যে গৱেষকসকলে এতিয়াও সেই বিষয়ত নিৰ্দিষ্ট সিদ্ধান্ত উপনীত হ’ব পৰা নাই। তেওঁ কয় "আমি এতিয়াও নাজানো কিয় তেজৰ গ্ৰুপ  'এ'ৰ লোকসকল ষ্ট্ৰোকত আক্ৰান্ত হোৱাৰ সম্ভাৱনা অধিক। কিন্তু সম্ভৱতঃ তেজ গোট মৰাৰ সম্ভাৱনাই ইয়াত বিশেষ ভূমিকা পালন কৰি আছে। "

মন কৰিবলগীয়া কথাটো হ’ল  তেজৰ নলীকা বোৰৰ জৰিয়তে মগজুত তেজ উপস্থিত হয়। কিন্তু যদি ৰক্তনলীকাবোৰ কোনো প্ৰকাৰে ফাটি যায়   বা তাত তেজ  গোট মাৰে তেন্তে  ষ্ট্ৰোক হয়। তেনে ক্ষেত্ৰত ৰোগীক লগে লগে   চিকিৎসালয়লৈ লৈ যাব লাগে৷