শীতে আপোনাক সমস্যাত পেলাইছে, তেন্তে এইকেইবিধ পানীয়ৰে দূৰ কৰক আপোনাৰ ঠাণ্ডা

ডিজিটেল ডেস্ক : বৰ্তমান সমগ্ৰ ভাৰততে ঠাণ্ডা অব্যাহত। এই হাড় কঁপোৱা ঠাণ্ডাৰ মাজতে টোকৰ দিলে নৱবৰ্ষই। এই শীতকালত অধিক লোক অসুস্থ হৈ পৰে। বেছিভাগ লোকেই এই ঠাণ্ডাৰ পৰা হাত সাৰিবলৈ গৰম পানীয়ৰ সহায় লয়। গৰম চাহ একাপ খালে ঠাণ্ডাৰ পৰা কিছু সকাহ পোৱা যায়।

 ঠাণ্ডা বতৰ আৰু ৰোগ প্ৰতিৰোধ ক্ষমতা কম হ’লে এনে লোকক প্ৰায়ে তেওঁলোকৰ পানীয় লগত বনৌষধি অন্তৰ্ভুক্ত কৰিবলৈ পৰামৰ্শ দিয়া হয়, যিবোৰত প্ৰচুৰ পৰিমাণে এন্টিঅক্সিডেন্ট আৰু পলিফিনল থাকে। যদি আপুনি নিজকে ঠাণ্ডাৰ পৰা সুৰক্ষিত ৰাখিব বিচাৰে তেন্তে আপুনি গ্ৰীণ টি, হাৰ্বেল টিৰ পৰা কফিলৈকে বহু ধৰণৰ গৰম পানীয়ৰ সহায় ল’ব পাৰে। এই সকলোবোৰে আপোনাক ঠাণ্ডাৰ পৰা ৰক্ষা কৰাৰ লগতে শীতকালীন ৰোগৰ পৰাও আঁতৰাই ৰাখে।

 চাহক কেনেকৈ ‘স্বাস্থ্যকৰ’ বনাব পাৰি?

সাধাৰণতে স্বাস্থ্যকৰ চাহত ভাল এন্টিঅক্সিডেন্ট আৰু পলিফিনল থাকে, যিয়ে হজম শক্তি ভাল আৰু চৰ্বি হ্ৰাস কৰাৰ কাম কৰে। স্বাস্থ্যকৰ চাহে শৰীৰৰ বিপাকীয় ক্ৰিয়া বৃদ্ধিতো সহায় কৰে। ইয়াৰ উপৰি ইয়াত জৈৱ সক্ৰিয় যৌগ থাকে, য’ত বয়স বৃদ্ধি প্ৰতিৰোধী গুণ আছে। আদা, দালচেনি, তুলসী, নেমু বা মছলাই চাহৰ ঔষধি গুণ বৃদ্ধি কৰে। এনে চাহে চৰ্দি আৰু ফ্লু ৰোধতো সহায় কৰিব পাৰে। ইয়াৰ উপৰি ইয়াত থকা গুণ যেনে-কেফেইন, থিঅ’ব্ৰ’মাইন, এল-থিয়ানিনে আমাৰ শৰীৰক শক্তি প্ৰদান কৰাৰ লগতে মগজুৰ কাৰ্য্যক্ষমতা বজাই ৰাখে। যদিও ইয়াক অতিমাত্ৰা সেৱন কৰাটো একেবাৰেই নহয়, কাৰণ অতিৰিক্ত যিকোনো বস্তুৱে শৰীৰৰ ক্ষতি কৰিব পাৰে। স্বাস্থ্যকৰ পানীয়ৰ বিষয়ে জানো আহক।

 * সেউজীয়া চাহ-

স্বাস্থ্যকৰ পানীয়ত এন্টিঅক্সিডেন্টৰ বাবে সেউজীয়া চাহ সৰ্বোত্তম উৎস। ই শৰীৰৰ কোষবোৰক পানী যোগান ধৰাত সহায় কৰে। ওজন কমাবলৈও গ্ৰীণ টি ফলপ্ৰসূ আৰু ডায়েবেটিছ, উচ্চ ৰক্তচাপ, এলঝেইমাৰ ৰোগীৰ স্বাস্থ্যৰ বাবেও উপকাৰী।

* ক’লা চাহ-

ক’লা চাহ হৃদযন্ত্ৰৰ স্বাস্থ্যৰ বাবে উপকাৰী। তেজত চেনিৰ মাত্ৰা অধিক থকা ৰোগীৰ বাবেও ই এক উপকাৰী পানীয়। শীতকালত এই পানীয়ই শৰীৰক ঠাণ্ডাৰ পৰা বহুখিনি সকাহ দিয়ে। ইয়াৰ উপৰি ক’লা চাহ কলেষ্টেৰল হ্ৰাস কৰা, পাচনতন্ত্ৰ সবল কৰি ৰখা, হাড় মজবুত কৰা, ৰোগ প্ৰতিৰোধ ক্ষমতা বৃদ্ধি কৰা আৰু ওজন নিয়ন্ত্ৰণত যথেষ্ট সহায় কৰে।

* হৰ্বল চাহ-

বনৌষধি চাহৰ বাছনি কৰাটোও স্বাস্থ্যকৰ পানীয়ৰ এটা ভাল বিকল্প। ই পাচনতন্ত্ৰ সবল কৰি ৰখাত সহায় কৰাৰ লগতে বতৰৰ সংক্ৰমণ আৰু ঠাণ্ডাৰ পৰাও ৰক্ষা কৰে।

* ফিল্টাৰ কফি–

দক্ষিণ ভাৰতত ফিল্টাৰ কফি অবিহনে কোনো শীতকালীন দিন সম্পূৰ্ণ নহয়। ফিল্টাৰ কফিত এন্টিঅক্সিডেন্ট আৰু খনিজ পদাৰ্থও পোৱা যায়। শীতকালত ফিল্টাৰ কফি খালে ঠাণ্ডাৰ পৰা যথেষ্ট সকাহ পোৱা যায়।

 * ক’লা কফি-

সকলোৱে ক’লা কফি ভাল পায়। ই ছালৰ উন্নতি আৰু শৰীৰক সক্ৰিয় কৰি ৰখাৰ কাম কৰে। ইয়াৰ উপৰি ই ওজন কমোৱাত আৰু হৃদযন্ত্ৰক সুস্থ কৰি ৰখাতো সহায়ক।

* হালধিৰ গাখীৰ-

শীতকালত হালধি গাখীৰ খালে ঠাণ্ডাৰ পৰা বহুখিনি সকাহ পোৱা যায়। এই গাখীৰ অতি উপকাৰী, যিয়ে ৰোগ প্ৰতিৰোধ ক্ষমতা বৃদ্ধিৰ লগতে চৰ্দি-কাহ প্ৰতিৰোধ কৰাত সহায় কৰে।