ডিজিটেল ডেস্ক: ২৫ নৱেম্বৰৰ পৰা ২০ ডিচেম্বৰলৈ অনুষ্ঠিত হ’ব সংসদৰ শীতকালীন অধিৱেশন। সংসদৰ শীতকালীন অধিৱেশনৰ পূৰ্বে ২৪ নৱেম্বৰত চৰকাৰে বিভিন্ন ৰাজনৈতিক দলৰ নেতাসকলৰ সৈতে বৈঠকত মিলিত হৈছে যাতে সদনত সুচাৰুৰূপে কাম-কাজ সুনিশ্চিত কৰিব পাৰে।
সংসদীয় পৰিক্ৰমা মন্ত্ৰী কিৰেন ৰিজিজু আৰু প্ৰতিৰক্ষা মন্ত্ৰী ৰাজনাথ সিঙে এই বৈঠকৰ আয়োজন কৰিছে। আলোচনাত কংগ্ৰেছ, তৃণমূল কংগ্ৰেছ, ডি এম কে, শিৱসেনা, বিজেডি আদি দলৰ নেতাসকলে অংশগ্ৰহণ কৰাৰ সম্ভাৱনা আছে।
সংশদৰ শীতকালীন অধিৱেশনত চৰকাৰে ৱাকফ সংশোধনী বিধেয়ককে ধৰি ১৬খন বিধেয়ক উত্থাপন কৰিবলৈ ঠিৰ কৰিছে, আনহাতে বিৰোধীয়ে মণিপুৰত চলি থকা জাতিগত হিংসা আৰু ব্যৱসায়ী গৌতম আদানীক উৎকোচৰ অভিযোগত আমেৰিকাৰ আদালতে অভিযোগনামা দাখিল কৰা আদি বিষয় উত্থাপন কৰাৰ মনস্থ কৰিছে লগতে বিৰোধী নেতা ৰাহুল গান্ধীয়ে যুটীয়া সংসদীয় সমিতিৰ দ্বাৰা বিষয়টোৰ তদন্তৰ দাবী জনাইছে।
অধিবেশনৰ দ্বিতীয় দিনটোত সংবিধান গৃহীত হোৱাৰ ৭৫ বছৰীয়া জয়ন্তী উপলক্ষে অহা ২৬ নৱেম্বৰত পুৰণি সংসদ ভৱনৰ কেন্দ্ৰীয় প্ৰেক্ষাগৃহত এক অনুষ্ঠান আয়োজন কৰা হ’ব।
শীতকালীন অধিৱেশনৰ প্ৰথম সপ্তাহৰ অন্তিম দিনা ৱাকফ সংশোধনী বিধেয়কৰ দুয়োখন সদনৰ যুটীয়া সমিতিয়ে লোকসভাত কৰিব বুলি সদৰি কৰিছে৷ প্ৰতিবেদন দাখিল কৰাৰ পিছত বিধেয়কখন গৃহীত হোৱাৰ সম্ভাৱনা আছে। অৱশ্যে সমিতিৰ বিৰোধী সদস্যসকলে প্ৰতিবেদন দাখিলৰ সময়সীমা বৃদ্ধিৰ দাবী জনাই আহিছে৷ সমিতিখনৰ অধ্যক্ষ বিজেপি সাংসদ জগদাম্বিকা পালে বৈঠকসমূহ আগুৱাই নিয়াৰ অভিযোগ উত্থাপন কৰি তেওঁলোকে অধ্যক্ষ ওম বিৰলাৰ পৰা হস্তক্ষেপ বিচাৰিছে৷
চৰকাৰে উত্থাপন কৰা আন আন বিধেয়কসমূহৰ ভিতৰত আছে পঞ্জাৱ আদালত (সংশোধনী) বিধেয়ক, য’ত দিল্লী জিলা আদালতৰ বিত্তীয় আপীল অধিকাৰ ৩ লাখ টকাৰ পৰা ২০ লাখ টকালৈ বৃদ্ধি কৰাৰ প্ৰস্তাৱ দিয়া হৈছে। তদুপৰি, উপকূলীয় জাহাজ বিধেয়ক আৰু ভাৰতীয় বন্দৰ বিধেয়ক উত্থাপন আৰু গৃহীত হোৱাৰ কথাও সদৰি কৰিছে।
Continue Reading
