ডিজিটেল ডেস্কঃ সিদ্ধু মুছেৱালাৰ হত্যাকাৰী গেংষ্টাৰ গোল্ডি ব্ৰাৰৰ পৰা হত্যাৰ ভাবুকি লাভ কৰিছে য়’ য়’ হানি সিঙে৷ মৃত্যুৰ ভাবুকি লাভ কৰিয়ে দিল্লী আৰক্ষীৰ আগত এজাহাৰ দাখিল কৰিছে হানি সিঙে।
উল্লেখ্য যে ব্ৰাৰক বৰ্তমান কানাডাত আত্মগোপন কৰি থকা বুলি সন্দেহ কৰা হৈছএ৷ যোৱা বছৰ পঞ্জাৱত গায়ক-গীতিকাৰ সিদ্ধু মুছ ৱালাক হত্যা কৰাৰ অন্যতম মূল ষড়যন্ত্ৰকাৰী বুলি অভিযোগ আছে ব্ৰাৰৰ বিৰুদ্ধে৷
ভইচ নোটৰ জৰিয়তে এই ভাবুকি লাভ কৰি হানি সিঙে আজি দিল্লী আৰক্ষীৰ মুখ্য কাৰ্যালয়লৈ গৈ উপায়ুক্তক সাক্ষাৎ কৰি অভিযোগ দাখিল কৰে। আৰক্ষীয়ে তদন্ত আৰম্ভ কৰিছে।
আয়ুক্তক সাক্ষাৎ কৰাৰ পিছত হানি সিঙে কয় যে, "মই ভয় খাইছো, মোৰ সমগ্ৰ পৰিয়াল ভয় খাইছে। মৃত্যুৰ ভয় কোনে নকৰে? এইবাৰ প্ৰথমবাৰৰ বাবে এনে ভাবুকি আহিছে। মানুহৰ পৰা বহুত মৰম পাইছো।"
তেওঁ লগতে কয়, "মোৰ ষ্টাফ আৰু মোৰ লগত আন্তঃৰাষ্ট্ৰীয় নম্বৰৰ পৰা ফোন অহাৰ লগতে গোল্ডি ব্ৰাৰ বুলি দাবী কৰা কোনোবা এজনৰ ভইচ নোটও আহিছে। মই উপায়ুক্তক সকলো প্ৰমাণ দিছো। মই তেওঁক অনুৰোধ কৰিছো যে মোক নিৰাপত্তা দি বিষয়টোৰ তদন্ত কৰক।"
গোল্ডি ব্ৰাৰ ওৰফে সতীন্দৰজিৎ সিং মুছ ৱালা হত্যাকাণ্ডৰ মূল সন্দেহযুক্ত গেংষ্টাৰ লৰেন্স বিষ্ণোইৰ ঘনিষ্ঠ সহযোগী।
Continue Reading
