শিক্ষক নিযুক্তি পৰীক্ষাৰ প্ৰাৰ্থীৰ এডমিট কাৰ্ডত ছানি লিঅ’নিৰ অশ্লীল ফটো! ক’ত ঘটিল এই আজৱ ঘটনা?

ডিজিটেল ডেস্কঃ এইবাৰ বিদ্যালয়ৰ শিক্ষকতা কৰিব নেকি ছানি লিঅ’নিয়ে? কি পঢ়াব ছানি লিঅ’নিয়ে? কৰ্ণাটকৰ শিক্ষক নিযুক্তি পৰীক্ষাৰ এজন প্ৰাৰ্থীৰ এডমিট কাৰ্ডত ছানি লিঅ’নিৰ ফটোগ্ৰাফ থকাৰ এক অদ্ভূত ঘটনা সংঘটিত হৈছে।

কৰ্ণাটকত বৰ্তমান শিক্ষক নিযুক্তি পৰীক্ষা চলি আছে। লাখ লাখ প্ৰাৰ্থীয়ে ইয়াৰ বাবে সাজু হৈছে। তেনে সময়তে এগৰাকী প্ৰাৰ্থীৰ এডমিট কাৰ্ডত দেখিবলৈ পোৱা গৈছে ছানি লিঅ’নিৰ এখন ফটোগ্ৰাফ।

সামাজিক মাধ্যমত এডমিট কাৰ্ডখন ভাইৰেল হৈ পৰাৰ পাছতে ৰাজ্যখনৰ শিক্ষা বিভাগে এটা তদন্তৰ নিৰ্দেশ দিছে।

এডমিট কাৰ্ডত ব্যৱহাৰ কৰা ছানি লিঅ’নিৰ ফটোগ্ৰাফখন অত্যন্ত অশ্লীল। ফটোখন ছানি লিঅ’নিৰ উন্মুক্ত বক্ষযুগলক এটা সৰু পোচাকেৰে ঢাকি থোৱা হৈছে।

ঘটনাটোৰ সন্দৰ্ভত কৰ্ণাটকৰ বিৰোধী দল কংগ্ৰেছে শিক্ষা বিভাগক ব্যাপক সমালোচনা কৰিছে। কংগ্ৰেছে অভিযোগ কৰে যে শিক্ষা বিভাগে পৰীক্ষাৰ প্ৰাৰ্থীগৰাকীৰ সলনি ছানি লিঅ’নিৰ ফটো এডমিটখনত প্ৰিণ্ট কৰিছে।

“সংসদৰ ভিতৰতে ব্লু ফিল্ম চোৱা এটা দলৰ পৰা আৰু কি আশা কৰিব পাৰি?”- কৰ্ণাটকৰ বিজেপি চৰকাৰৰ বিৰুদ্ধে কংগ্ৰেছৰ সামাজিক মাধ্যম প্ৰচাৰ সচিব বিআৰ নাইডুৱে এইদৰে কয়।