শিৱসাগৰ জিলাৰ ঐতিহাসিক যমুনা অঞ্চলত প্ৰশাসনে অব্যাহত ৰাখিছে বৃহৎ উচ্ছেদ অভিযান। এই অভিযান আজি চতুর্থ দিনত ভৰি দিছে বুলি সংশ্লিষ্ট কৰ্তৃপক্ষই সদৰী কৰিছে। অঞ্চলটোত থকা বেদখলকৃত ভূমি উদ্ধাৰৰ লক্ষ্যৰে এই কাৰ্যসূচী হাতত লোৱা হৈছে।
অভিযানস্থলীত পৰিস্থিতি নিয়ন্ত্ৰণ আৰু আইন-শৃংখলা ৰক্ষাৰ বাবে প্ৰশাসনে পর্যাপ্ত সংখ্যক নিৰাপত্তা বাহিনী মোতায়েন কৰিছে। ইফালে, জিলা প্ৰশাসনৰ নিৰ্দেশমৰ্মে গধুৰ যন্ত্ৰাংশ আৰু কৰ্মীৰ দলে বেদখল উচ্ছেদৰ কাম অব্যাহত ৰাখিছে।
নির্ধাৰিত পৰিকল্পনা অনুসৰি চলি থকা এই কাৰ্যসূচীৰ জৰিয়তে এতিয়ালৈকে কিমান পৰিমাণৰ ভূমি মুক্ত কৰা হৈছে, সেই সন্দৰ্ভত প্ৰশাসনৰ পৰা পৰৱৰ্তী সময়ত বিস্তাৰিত তথ্য প্ৰকাশ কৰা হ’ব বুলি জানিব পৰা গৈছে।
Continue Reading
