ডিজিটেল ডেস্কঃ প্ৰেক্ষাপটত দিল্লীৰ মুখ্যমন্ত্ৰী অৰবিন্দ কেজৰিৱাল৷শেহতীয়াকৈ দিল্লীৰ মুখ্যমন্ত্ৰী অৰবিন্দ কেজৰিৱালে দৃঢ়তাৰে কয় যে আম আদমী পাৰ্টীয়ে জনসাধাৰণৰ মাজত জনপ্ৰিয়তা আৰু গ্ৰহণযোগ্যতা লাভ কৰিছে “জনকেন্দ্ৰিক” আৰু “কৰ্মকেন্দ্ৰিক” ৰাজনীতিৰ জৰিয়তে।কেজৰিৱালে কয় যে দলৰ আমি জনহিতকৰ কাৰ্যসূচী লোৱা বাবে জেললৈ যাবলগীয়া হৈছে আৰু আমি জেল যাবলৈ সাজু৷
ৰাষ্ট্ৰীয় পৰিষদৰ বৈঠকত দলীয় নেতাসকলক ভাৰ্চুৱেলভাৱে সম্বোধন কৰি কেজৰিৱালে কয় যে দিল্লীৰ সুৰা নীতিৰ কথিত কেলেংকাৰীৰ সৈতে জড়িত গোচৰত জেলত থকা পাঁচজন দলীয় নেতাক লৈ তেওঁ “গৌৰৱান্বিত”।
কেজৰিৱালে কয় যে যদি আপুনি শিশুক ভাল শিক্ষা দিয়া আৰু দুখীয়াক বিনামূলীয়াকৈ চিকিৎসা কৰাৰ কথা কয়, তেন্তে আপুনি জেললৈ যাব লাগিব আৰু আমি ইয়াৰ বাবে সাজু থাকিব লাগিব।
দিল্লীৰ আবকাৰী নীতিৰ সৈতে জড়িত ধন সৰবৰাহৰ গোচৰৰ সন্দৰ্ভত ৩ জানুৱাৰীত কেন্দ্ৰীয় সংস্থাটোৰ সন্মুখত হাজিৰ হ’বলৈ বলবৎকাৰী সঞ্চালকালয়ে চমন কৰাৰ সময়তে দিল্লীৰ মুখ্যমন্ত্ৰীয়ে এই মন্তব্য কৰে।আপৰ মুৰব্বীগৰাকীয়ে উল্লেখ কৰে যে আপ দলটোৱে কেইবছৰমানৰ ভিতৰতে ৰাজনীতিত উত্থান কৰিছে কাৰণ দলটোৱে “অন্য কোনো দলে গুৰুত্ব নিদিয়া বিষয়সমূহৰ ওপৰত গুৰুত্ব আৰোপ কৰিছিল”।কেজৰিৱালে লগতে কয় যে যদি আমি সফল নহ’লোহেঁতেন আৰু কোনো ভাল কাম নকৰিলোহেঁতেন তেন্তে আমাৰ দলৰ কোনো নেতাই জেললৈ নগ’লহেঁতেন আৰু আজি সকলোৱে নিজৰ পৰিয়ালৰ সৈতে সুখী হ’লহেঁতেন।
Continue Reading
