ডিজিটেল ডেস্কঃ ক্ৰিকেটৰ পৰা অৱসৰ ল’লে মনোজ তিৱাৰীয়ে। বৃহস্পতিবাৰে ইনষ্টাগ্ৰামত এটা পোষ্টৰ জৰিয়তে তেওঁ এই সিদ্ধান্তৰ কথা ঘোষণা কৰে। অৰ্থাৎ তেওঁ আৰু বংগৰ হৈ খেলা দেখা নাযাব। ৩৭ বছৰ বয়সত ক্ৰিকেটৰ পৰা বিদায় দিয়ে বংগৰ অধিনায়কগৰাকীয়ে। উল্লেখ্য যে ক্ৰিকেটাৰ হোৱাৰ লগে লগে পশ্চিমবংগৰ ক্ৰীড়া বিভাগৰ ৰাজ্যিক মন্ত্ৰী হিচাপেও কাৰ্যনিৰ্বাহ কৰি আছে মনোজে।
মনোজে ইনষ্টাগ্ৰামত লিখিছে, ‘মই ক্ৰিকেট খেলৰ পৰা বিদায় লৈছিলো। এই খেলখনে মোক সকলো দিলে। জীৱনত বহু সমস্যাৰ সন্মুখীন হৈছো। ক্ৰিকেট খেলৰ প্ৰতি চিৰ কৃতজ্ঞ হৈ থাকিম।’’
মনোজে দেশৰ হৈ ১২খন এদিনীয়া খেল খেলিছিল। মুঠ ২৮৭ ৰান সংগ্ৰহ কৰে। এটা শতক আৰু এটা অৰ্ধশতক তেওঁৰ নামত আচে। তিনিখন টি-২০ মেচত ১৫ ৰান সংগ্ৰহ কৰে। তেওঁ আই পি এলত কলকাতা নাইট ৰাইডাৰ্ছকে ধৰি কেইবাটাও দলত খেলিছে। ২০১২ চনত কলকাতাৰ প্ৰথম আই পি এল জয়ৰ সময়ত অন্তিম অভাৰত দুটা বাউণ্ডেৰী মাৰিছিল মনোজে।
কেইবছৰমান আগতে তেওঁ ৰাজনীতিতো প্ৰৱেশ কৰিছিল। শিৱপুৰৰ বিধায়ক হয়। তৃণমূল কংগ্ৰেছৰ হৈ তেওঁ নিৰ্বাচনত অংশগ্ৰহণ কৰিছিল।
Continue Reading
